Vlastimil Hort

Vun Wikipedia
Zur Navigation springen Zur Suche springen
Vlastimil Hort (2010)

Vlastimil Hort (* 12. Januar 1944[1][2] in Kladno) is en tschechisch-düütsch Schachspeler, de eerst för de Tschechoslowakei, siet 1986 för Düütschland speelt hett.

Leven[ännern | Bornkood ännern]

Hort hett en Studium mit Swoorpunkt Butenhannel maakt. 1960 in Leipzig nehm he eerstmals an en Schacholympiade deel. He hett bi de Europa-Mannschapsmeesterschap in‘n Schach 1961 in Overhus för de Tschechoslowakei speelt. 1962 wurr he Internatschonaler Meester, 1965 kreeg he vun de FIDE den Grootmeestertitel tospraaken.[3]Bi dat Interzonenturnier in Sousse 1967 keem Hort up Rang 6. 1970 wurr he för den Wettkamp UdSSR gegen den Rest der Welt an Brett 4 insett. Dorbi hett he Lew Polugajewski mit 2,5:1,5 besiegt. De tschechoslowaaksch Landsmeesterschap kunn he 1970, 1971, 1972, 1975, 1977 un 1984 för sück entscheeden. In dat Veertelfinale vun den Qualifikatschonswettkamp to de Schachweltmeesterschap 1978 weer Hort 1977 in Reykjavík gegen Boris Spasski knapp mit 7,5:8,5 ünnerleegen. In de 15. Partie verlor he in klar Gewinnstellung dör Tietöverschreeden un kunn disse unglückelke Nedderlaag in de letzt Partie nich mehr utglieken. Dormals hörr Hort to de best Spelers vun de Welt, sien best Platzeeren weer de sösste Platz, den he 1977 gliekup mit Lew Polugajewski un Michail Tal beleggen dee. Sie hööchste Elo-Tall vun 2620 reck he in’n Januar 1978.

Vlastimil Hort, Winner vun de Düörpmer Schachdaag 1982[4]

1979 is Hort nah (West-)Düütschland översiedelt un hett sück den Bundsligaclub SG Porz anslooten, wo he bit 2001 speelt hett. Mit sien Vereen wurr he 1979, 1982, 1984, 1994, 1996, 1998, 1999 un 2000 düütsch Mannschapsmeester. In de Swiezer Natschonalliga A speel he van 2004 bit 2012 för de Schachfreunde Reichenstein, mit de he 2006 Swiezer Meester wurr, van 2013 bit 2015 weer he bi den Schachklub Luzern un siet 2016 speelt he för den SK Réti Zürich. Sien tschechoslowaaksch Staatsbörgerschap hett he behollen. 1981 wurr he Tweet achter Lubomir Kavalek, aber vör Murray Chandler un Harry Schüssler bi de Internatschonale Düütsch Meesterschap in Baukem.[5] 1982 wunn he dat Grootmeesterturnier bi de Düörpmer Schachdaag (vör Oleh Romanyschyn un Lew Psachis) un 1983 dat Open Berliner Sommer.

Mit de Tschechoslowakei wunn he de Sülvermedaille bi de Schacholympiade 1982 in Luzern. Hort hett an insgesamt 14 Schacholympiaden deelnommen, elfmal för de Tschechoslowakei (1960 in Leipzig bit to de Schacholympiade 1984 in Thessaloniki) un dreemal för Düütschland (1988 in Thessaloniki, 1990 in Novi Sad un 1992 in Manila).[6] In de Eenzelwertung kreeg he 1972 Sülver an dat eerst Brett un 1962 Bronze an Brett 3. Buterdem hett Hort tüschen 1961 un 992 an fief Mannschapseuropameesterschapen deel (dree mit de Tschechoslowakei, twee mit Düütschland), wobi sien gröttste Erfolg de darte Platz mit de düütsch Mannschap 1989 in Haifa weer.[7]

Siegfried Zill un Vlastimil Hort bi de Düörpmer Schachdaag 2008

Nahdem Hort Enn’n 1986 de düütsch Staatsbörgerschap annommen harr, wunn he 1987 in Bad Neuenahr[8], 1989[9] un 1991 de Düütsch Meesterschap. 2006 wurr he in Mainz Seniorenweltmeister in‘n Chess960. Hort speelt bi den Oberhausener Schachverein 1887. He is in dart Ehe verheiraadt un hett een Söhn Daniel (* 1967). De bleev in de Tschechoslowakei torüch. Hort hett 1977 in Reykjavík en Weltrekord in‘n Blindschach up. Buterdem is he en düchtig gooden Simultanspeler; 1985 stell he bi en Simultanvörstellung gegen 636 Gegner[10] en Rekord för dat Guinness-Book up. Bekannt wurr Hort ok as bannig goot, af un to humoristisch Kommentator bi de Schachsennen „Schach der Großmeister“ in dat Feernsehprogramm vun den WDR an de Siet vun Helmut Pfleger. In de letzt Veranstaltung 2005 sünd de beid Kommentatoren Pfleger un Hort sülvst upnanner drapen un hemm en spanned Remis speelt. To’n Afsluss vun de Sennen wurrn den beid Protagonisten de Porträts, de Gautam vun hör modelleeren dee, an de as Geschenk vun den WDR överreicht. As lütt Anekdote an‘n Rande: Lothar Schmid witzelte, "es ist nur die Frage wer bekommt welches." Nah Hort is en System to de Preisgeldverdeelen bi Turnieren nöömt wurrn, dat Hort-System.

Publikatschonen[ännern | Bornkood ännern]

  • Vlastimil Hort, Vlastimil Jansa: Der beste Zug (1982, ISBN 3-7919-0214-8), en Sammlung vun Teststellungen för dat Schachtraining.
  • Vlastimil Hort: Begegnungen am Schachbrett. Rau-Verlag, Düsseldörp 1984, ISBN 3-7919-0218-0.
  • Vlastimil Hort: Schwarzweiße Erzählungen (belletristisches Werk). Bärenhort Verlag, Köln 1989.
  • Meine Partien gegen die Weltmeister (DVD), Chessbase, Hamborg 2008, ISBN 978-3-86681-103-4.

Weblinks[ännern | Bornkood ännern]

Commons-logo.svg Vlastimil Hort. Mehr Biller, Videos oder Audiodateien to’t Thema gifft dat bi Wikimedia Commons.

Enkeld Nahwiesen[ännern | Bornkood ännern]

  1. Dagobert Kohlmeyer: Vlastimil Hort zum 70sten In: de.chessbase.com. 12. Januar 2014, afropen an’n 23. Oktober 2019.
  2. André Schulz: Vlastimil Zum 75. Geburtstag von Vlastimil Hort: Ein Interview In: de.chessbase.com. 12. Januar 2019, afropen an’n 23. Oktober 2019.
  3. Willy Iclicki: FIDE Golden book 1924–2002. Euroadria, Slovenia, 2002, S. 75.
  4. Dortmunder Schachtage 1982 up TeleSchach
  5. Deutsche Schacheinzelmeisterschaft 1981 in Bochum up TeleSchach (Fotos, Krüüztabell un Partien)
  6. Vlastimil Hort sien Ergevnisse bi Schacholympiaden up olimpbase.org (engelsch)
  7. Vlastimil Hort sien Ergevnisse bi Mannschapseuropameesterschapen up olimpbase.org (engelsch)
  8. Deutsche Schacheinzelmeisterschaft 1987 in Bad Neuenahr up TeleSchach (Krüüztabell un Partien)
  9. Deutsche Schacheinzelmeisterschaft 1989 in Bad Neuenahr up TeleSchach (Krüüztabell un Partien)
  10. [1] Meldung up tec-darmstadt.net