Borchelhoff
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 27356 | |
| Vörwahl: | 04286 | |
| Geograafsche Laag: | Koordinaten:53° 11′ N, 9° 22′ O53° 11′ N, 9° 22′ O | |
|
| ||
De Borchelhoff (hoochdüütsch Borchelhof) is en Hoff in de Gemeen Rodenborg in’n Landkreis Rodenborg, Neddersassen. De Hoff höört von öllers bi Borchel mit bi.
Geografie
[ännern | Bornkood ännern]De Hoff liggt op en lütten Geestbarg, de von Moor ümgeven is. Dat Water ut dat Rebeed flütt över Gravens na’n Weidbeek af, de later in de Wiest münnt.
De Naveröörd sünd Abbendörp un Hetzweeg in’n Noordoosten, Westerholt un Emmen in’n Süüdoosten, Borchelsmoor in’n Süden, Mulmshoorn in’n Westen un Heesdörp in’n Noordwesten.
Historie
[ännern | Bornkood ännern]De Borchelhoff is de öllste Deel von Borchel, de 1432 as Hoff uppe dem borchel toeerst in de Oorkunnen vörkummt. 1690 hett de Familie Clüver en Schaperee in’t Borcheler Holt grünnt.
Verwaltungsgeschicht
[ännern | Bornkood ännern]De Oort hett vör 1885 to de Huusvaagdie Rodenborg in dat Amt Rodenborg tohöört. Na 1885 weer dat in’n Kreis Rodenborg, de 1977 mit’n Landkreis Bremervöör to’n ne’en un grötteren Landkreis Rodenborg tohoopgahn is.
De Gemeen Borchel is an’n 1. März 1974 mit de Gemeenreform in Neddersassen Deel von de Gemeen Rodenborg worrn.
Inwahnertall
[ännern | Bornkood ännern]| Johr | Inwahners |
|---|---|
| 1791[1] | 1 Füürsteed |
| 1848[2] | 10 Lüüd, 1 Huus |
| 1. Dezember 1871[3] | 10 Lüüd, 1 Huus |
| 1. Dezember 1885[4] | 10 Lüüd, 1 Huus |
| 1. Dezember 1905[5] | 9 Lüüd, 1 Huus |
Religion
[ännern | Bornkood ännern]De Borchelhoff is evangeelsch-luthersch präägt un höört to dat Kaspel von de Margarethen-Kark in Jeem.
För de Kathoolschen is de Corpus-Christi-Kark in Rodenborg tostännig.
Weertschop un Infrastruktur
[ännern | Bornkood ännern]Verkehr
[ännern | Bornkood ännern]De Borchelhoff is över lüttjere Straten anbunnen an de Kreisstraten K 238 un K 141. De K 238 löppt in’n Noordoosten na Abbendörp an de Landsstraat 131 un in’n Süden an de Bundsstraat 71. De K 141 geiht von Heesdörp in’n Oosten na Abbendörp un in’n Noordwesten na Jeem un an de B 71.
De nächste Autobahn is de Autobahn 1. De Opfohrt 48 Elsdörp liggt so negen Kilometer in’n Noorden von’n Borchelhoff.
De nächste Bahnhoff is so bi negen Kilometer wied weg in’n Süüdoosten de Bahnhoff Rodenborg an de Bahnlien Bremen–Hamborg.
Scholen
[ännern | Bornkood ännern]Fröher sünd de Kinner op de Volksschool in Borchelsmoor gahn. Vondaag gaht se in Rodenborg na School.
Footnoten
[ännern | Bornkood ännern]- ↑ Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 31
- ↑ Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 152
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 167
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 178
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 150
