Bohlsbach
| Wapen/Flagg | Koort | |
|---|---|---|
|
|
| |
| Basisdaten | ||
| Flach: | 6,11 km² | |
| Inwahners: | 2.436 (31. Dezember 2018) | |
| Inwahnerdicht: | 398,7 Inwahners pro km² | |
| Postleettall: | 77652 | |
| Vörwahl: | 0781 | |
| Geograafsche Laag: | Koordinaten:48° 30′ N, 7° 57′ O48° 30′ N, 7° 57′ O | |
|
| ||
Bohlsbach is en Dörp un Oortsdeel in de Stadt Offenburg in’n Ortenaukreis, Baden-Württemberg.
Geografie
[ännern | Bornkood ännern]De Oort liggt in de Ortenau. Dat Water ut dat Rebeed flütt deelwies na de Kinzig un deelwies över’n Kammbach na de Rench hen.
De Naveröörd sünd Windschläg in’n Noorden, Ebersweier in’n Noordoosten, Durbach in’n Oosten, Rammersweier in’n Süüdoosten, Offenburg in’n Süden, Waltersweier in’n Süüdwesten, Bühl un Weier in’n Westen un Griesheim in’n Noordwesten.
Historie
[ännern | Bornkood ännern]Bohlsbach kummt 961 as Badelsbach toeerst in en Oorkunn von Bischop Uto III. vör.
De vörher egenstännige Gemeen Bohlsbach is an’n 1. Januar 1975 tohoop mit Windschläg Deel von de Stadt Offenburg worrn. Sietdem billt dat Dörp en Oortsdeel mit egen Oortsvörsteiher un Oortschopsraad.
Inwahnertall
[ännern | Bornkood ännern]| Johr | Inwahners[1] |
|---|---|
| 1717 | 40 Ünnerdanen |
| 1871 | 616 |
| 1900 | 690 |
| 1970 | 1.839 |
| 1980 | 2.168 |
| 1990 | 2.480 |
| 2001 | 2.635 |
| 2009 | 2.404 |
| 2018 | 2.436 |
Religion
[ännern | Bornkood ännern]_jm60523.jpg)
Bohlsbach is kathoolsch präägt un billt mit de St.-Laurentius-Kark en egen Karkengemeen. De Kark is 1666 boot worrn is.
För de Evangeelsch-Lutherschen is de Matthäus-Kark in Weier tostännig, de siet 1980 besteiht.
De Doden warrt op’n Karkhoff an de Okenstraße in’n Noorden von’n Oort begraven. Fröher leeg de Ole Karkhoff dicht bi de Kark.
Wapen
[ännern | Bornkood ännern]Dat Wapen von Bohlsbach wiest op sülvern Grund en Appelboom mit swarten Stamm, gröne Bläder un rode Appeln. In’n gollen Schildfoot is en swarte Wulfsangel to sehn.
Oortsvörsteihers
[ännern | Bornkood ännern]- opstunns (Stand 2019): Nicole Kränkel-Schwarz
Kultur
[ännern | Bornkood ännern]En Denkmaal för de Fullenen ut de twee Weltkrieg’ steiht in Bohlsbach op’n Karkhoff.[2]
De Oort hett siet 1993 en Partnerschop mit de Gemeen Perrigny in Frankriek un siet 2002 mit Ste. Genevieve in de USA.
Verenen
[ännern | Bornkood ännern]De Schüttenvereen Bohlsbach is 1926 grünnt worrn un de Sportvereen TuS Bohlsbach 1920.
Weertschop un Infrastruktur
[ännern | Bornkood ännern]Bohlsbach billt en egene Insatzafdelung von de freewillige Füürwehr Offenburg.
In’n Westen von’n Oort doot de Anlagen von’n Göderbahnhoff von Offenburg liggen.
Dat Paul-Gerhardt-Wark bedrifft in Bohlsbach en Pleegheim mit 90 Plätz.
Verkehr
[ännern | Bornkood ännern]An Bohlsbach langs löppt de Bundsstraat 3, de in’n Noordoosten över Appenweier, Renchen un Achern na Bühl geiht un in’n Süden dör Offenburg un na Lahr. In’n Noordwesten geiht de Kreisstraat 5324 över Bühl (dor anbunnen an de B 33) un Weier na Hesselhurst un Eckartsweier un in’n Oosten na Ebersweier un Durbach.
De nächste Autobahn is de Autobahn 5 (Afsnidd Karlsruhe–Freiburg). De Opfohrt 55 Offenburg liggt so söss Kilometer in’n Süüdwesten von Bohlsbach an de B 33a un de Opfohrt 54 Appenweier söven Kilometer in’n Noorden an de B 28.
De nächste Bahnhoff is so bi dree Kilometer wied weg in’n Süden de Bahnhoff Offenburg an de Bahnlien Mannheim–Basel un de Schwarzwaldbahn. Över Appenweier is de Bahnhoff ok an’n Verkehr op de Bahnlien Appenweier–Strasbourg un de Renchtalbahn anslaten.
Scholen
[ännern | Bornkood ännern]In Bohlsbach gifft dat en Kita un en Grundschool, de Lorenz-Oken-Schule.
Lüüd
[ännern | Bornkood ännern]
1779 is in Bohlsbach de Mediziner un Bioloog Lorenz Oken boren un 1845 de kathoolsche Geistliche un Politiker Theodor Wacker.
Literatur
[ännern | Bornkood ännern]- Martin Siebert: Bohlsbach. Geschichte eines Dorfes in der Ortenau. 1903
Footnoten
[ännern | Bornkood ännern]Weblenken
[ännern | Bornkood ännern]
- Websteed över dat Dörp (hoochdüütsch)
Albersbösch | Bohlsbach | Bühl | Elgersweier | Fessenbach | Griesheim | Hildboltsweier | Offenburg | Rammersweier | Uffhofen | Waltersweier | Weier | Windschläg | Zell-Weierbach | Zunsweier