Zum Inhalt springen

Bloodbild

Vun Wikipedia

Dat Bloodbild betekent en Tosamenstellen vun wichtige Befunnen ut en Bloodproov na en sünnern Standard. Dat gifft en Överblick över de zellulären Andeelen in’t Blood un bargt Daten över de Quantität (de Mengde) un de Qualität (de Gööd) vun disse Bestanddeelen. Bito warrt mit de Morphologie ok de butere Form beschreven.

Dat Bloodbild warrt normalerwies ut EDTA-Blood afleidt. Ünnerscheed warrt dorbi twüschen dat Lütte un dat grote Bloodbild.

Grundlagen

[ännern | Bornkood ännern]

De zellulären Bestanddeelen vun’t Blood sünd e ro’en Bloodzellen (Erythrozyten), de witten Bloodzellen (Leukozyten) un de Thrombozyten oder Bloodplattken. Dat Blood vun de Minschen besteiht normalerwies bi Mannslüüd to 43 bit 50 % un bi Fronslüüd to 37 bit 45 % ut Bloodzellen. De Zellandeel an’t Samtvolumen vun de Bloodproov warrt as Hämatokrit betekent. Warrt de zellulären Bestanddeelen afscheedt (to’n Bispeel dör Zentrifugeeren blifft de Bloodfletigkeit torüch, de as Bloodplasma betekent warrt un Elektrolyten, Stollfakters un annere Plasmaproteinen bargt. Wenn man dat Blood en tiet lang stahn lett, sett en Stollreakschoon in. De Stollfakters warrt denn aktiveert un billt tosamen mit de zellulären Bestanddeelen (vör allen de Thrombozyten) en Kluten (Thrombus). Wat översteiht is dat Plasma, dat keen Stollfakters mehr bargt. Dat heet denn Bloodserum.

Dat „lütte“ Bloodbild

[ännern | Bornkood ännern]

De Angaven in de Tabell beteht sik op de Normweerten vun utwossen Lüüd. Bi Kinner un vör allen bi Söögkinner wiekt de Normweerten to’n Deel düütlich af.

Weert Betogsrebeet Fro Mann Eenheit Verkloren
Leukozyten
(WBC oder LEUK)		 3,5–9,8 –3,62 Tsd./µl Witte Bloodkörpers sünd Deel vun de Immunafwehr. De Weert is höger bi Sweren, Allergien oder Gichtanfäll, bi Leukämie sogor gresig hooch. Bi Vergiften oder Virusinfekschonen (to’n Bispeel Gripp, Masseln) is de Weert minnert.
Erythrozyten
(RBC oder ERY)		 4,5–5,9 –3,4 Mio./µl Ro’e Bloodkörpers transporteert Suerstoff na de Organen. Bi Mangel an Fletigkeit oder Suerstoff un bi Stress is de Weert höger. Minnert is de Weert bi Anämie, de ok dör Iesenmangel entstahn kann (Iesenmangelanämie), oder Bloodverlust. Bi Thalassämie is dat Referenzrebeet höger.
Hämoglobin
(HGB oder HB)		 13,5–17,5 g/dl De ro’e Bloodfarvstoff binnt den Suerstoff. De Weert ännert sik mit de Tall vun de ro’en Bloodkörpers.
Hämatokrit
(HCT oder HKT)		 40–53 40–53 40–52 % Volumenandeel vun de zellulären Bestanddelen an’t Samtblood. Höher bi Vermehren vun de Erythrozyten, Verlust vun Fletigkeit un bi Smökers. Minnert bi Bloodarmot/-verlust, Swangerschop.
MCV 80–96 fl Dörsnittlich Volumen vun de Erythrozyten. Warrt to’n Differenzen vun Anämien bruukt. (MCV = Hämatokrit/Erythrozytentall).
MCH (HbE) 28–33 pg Dörsnittliche Hämoglobin-Mengde op een Erythrozyt. Warrt ok to’n Differenzen vun Anämien bruukt. (MCH = Hämoglobin/Erythrozytentall).
Middlere Korpuskuläre Hämoglobinkunzentratschoon (MCHC) 33–36 g/dl Andeel vun’t Hämoglobin an’t Samtvolumen vun de ro’en Bloodkörpers (= Hämatokrit). (MCHC = Hämoglobin/Hämatokrit, MCHC = MCH/MCV).
Thrombozyten
(PLT oder THRO)		 140–360 Tsd./µl De Thrombozyten (Bloodplattken) sünd en wichtigen Bestanddeel vun’t Blutstollen.
möögl. Retikulozyten 7–15 1–14 1–14 ‰ Vörlöperzellen vun de Erythrozyten. Normalerwies sünd blots wenig dorvun in’t Blood natowiesen. En högeren Weert düüt op anstarkere Bloodneebilln hen (as na en grötteren Bloodverlust).
möögl. middler’t Thrombozytenvolumen
(MPV)		 7–13 fl Deent to’n Ünnerscheden vun Stören vun de Thrombozytenform/-tall
möögl. Erythrozytenverdeelbreed
(RDW)		 12-14,5 % Högere Weerten wiest op verschedene Anämieformen hen.

Dat „grote“ Bloodbild

[ännern | Bornkood ännern]

Bi dat lütte Bloodbild warrt vun de Leukozyten blots de Samttall bestimmt. Dat grote Bloodbild bargt tosätzlich to de Weerten vun’t lütte Bloodbild ok dat Differentialbloodbild. Dorbi warrt nipp un nau ünnersöcht, ut wovun Ünnergruppen sik de witten Bloodkörpers tohopensett. Dit Differentialbloodbild kann dör en Maschien oder ok manuell an’t Mikroskop tohopenstellt warrn. Dorto warrt en Bloodutstrieken uttellt un op disse Wies de prozentualen Andeelen vun de Zelltypen bestimmt. Dat Uttellen an’t Mikroskop is opwänniger un bi’t Tellen nich so akkerat, man faken an’t Enn nödig, üm de Gööd vun de Zellen to beweerten. Pathogene Zellformen, as to’n Bispeel atyypsche Lymphozyten (Virozyten), künnt maschinell faken nich richtig toordent warrn, so dat wichtige Informatschonen för de Diagnoos verloren gaht. De Form vun de ro’en Bloodkörpers warrt ok mit en Bloodutstrieken beoordeelt.

Stören vun’t Bloodbild

[ännern | Bornkood ännern]

De Bloodweerten künnt dör de ünnerscheedlichsten Ümstännen ännert warrn un to en opfallig Bloodbild föhren.

Quantitativ Ännern

[ännern | Bornkood ännern]

Stören vun de Erythrozyten

[ännern | Bornkood ännern]

Störung vun de Leukozyten

[ännern | Bornkood ännern]

Stören vun de Thrombozyten

[ännern | Bornkood ännern]

Qualitativ Ännern

[ännern | Bornkood ännern]

Stören vun de Erythrozyten

[ännern | Bornkood ännern]
  • Anisozytoos
  • Lagern: afnormal Lagern, as „Geldrullenbilln“
  • Mikrozytoos: - to lütte Erythrozyten
  • Makrozytoos: - to großt Erythrozyten
  • Poikilozytoos
  • Polychromasie: Anfarvborkeit vun krankheit ännerte Erythorzyten, de noch nich riep sünd, mit sure un basische Farvstoffen (begäng is dat Farven na Pappenheim = May-Grünwald- + Giemsa-Farven)
  • Thalassämie un annere Gen-Defekten, de de Erythorozyten bedrapt: Föhrt to deformeerten/lüttere/gröttere Erythorozyten.
  • Zellinslüss: Inslüss as Cabot Ringen oder basophile Tippels

Stören vun de Thrombozyten

[ännern | Bornkood ännern]
  • Thrombanisozytoos: verscheden grote Thrombozyten (= högere Verdeelbreed vun’t Thrombozytenvolumen)

Literatur

[ännern | Bornkood ännern]

Weblenken

[ännern | Bornkood ännern]
Vun „https://nds.wikipedia.org/w/index.php?title=Bloodbild&oldid=842078“