Beroopscholen Kumbarg

Vun Wikipedia

De Beroopscholen Kumbarg (BBS Kumbarg) sünd en Beroopschool in de Straat In’n Park 4 in Kumbarg. Schooldreger is de Landkreis Cuxhoben. De School harr in dat Schooljohr 2014/2015 1509 Schölers un 68 Schoolmeesters.[1]

Laag[ännern | Bornkood ännern]

Luftbild von dat Good Kumbarg un de BBS mit olen Goodspark (von Noordwesten keken, 2012)

De School liggt in’n Noordoosten von Kumbarg. Dat is nich wied von de Bundsstraat 73 un von’n Bahnhoff Kumbarg an de Nedderelvbahn.

Historie[ännern | Bornkood ännern]

Slott Kumbarg, dat Internat von de BBS

De Beroopschool för den fröheren Kreis Land Hadeln is 1936 grünnt worrn. Se hett sik billt ut en fröhere Ackerboschool.

In de Johren 1950 un 1960 hett de School sik in Neddersassen to en landswied Zentrum för dat Utbillen in’n Deep- un Stratenbo un för Stratenwärters rutbillt.

1967/1968 is dat Hauptgebüüd boot worrn. De Bauhallen un Holtwarksteden sünd 1983 boot worrn un de Turnhall mit twee Feller 1991.

1977 is de Landkreis Land Hadeln oplööst worrn un weer denn Deel von’n Landkreis Cuxhoben. De Landkreis Cuxhoben is sietdem de ne’e Dreger von de School.

De Schölers, de ut ganz Neddersassen för den Ünnerricht na Kumbarg kaamt, warrt för disse Tied in dat Internat in dat Herrnhuus von dat fröhere Good Kumbarg ünnerbrocht.

Schoolbaas[ännern | Bornkood ännern]

  • opstunns: Ansgar Cudok

Footnoten[ännern | Bornkood ännern]

  1. http://www.bbs-cadenberge.de/cms/die-schule/geschichte/index.html

Weblenken[ännern | Bornkood ännern]


Koordinaten:53° 46′ N, 9° 4′ O