Atlas (Steern)
| Atlas | |
 | |
| Positschoon un Beteken | |
| Steernbild | Bull, Tau |
| Rektaszension | 3h49m9,74s[1] |
| Deklinatschoon | +24°03′12,3″[1] |
| Annere Naams | – |
| Flamsteed-Tall | 27 |
| Bright-Star-Kataloog | HR 1178 |
| Henry-Draper-Kataloog | HD 23850 |
| SAO-Kataloog | SAO 76228 |
| Tycho-1-Kataloog | TYC 1800-2203-1 |
| Hipparcos-Kataloog | HIP 17847 |
| 2MASS-Kataloog | 2MASS J03490974+2403121 |
| Physikaalsch Parameter | |
| Afstand | 387 ± 24[1] Lj |
| schienbore Helligkeit | +3,63 (3,84/5,52)[1] |
| Spektralklass | B8 III & B8 V[2] |
| Sünnerheiten | spek. Dubbelsteern |
Atlas is de Egennaam vun den Steern 27 Tauri in’t Steernbild Bull, de to de Plejaden höört. As all Steerns vun de Plejaden so warrt ok Atlas af un an vun’n Maand verdeckt. De Naam kummt ut de greekschen Mythologie, woneem Atlas een vun de Titanen is.
De Steern is en spektroskoopschen Dubbelsteern und besteiht dormit ut twee Kumponenten. Tosamen wiest se en schienbore Helligkeit vun +3,6 mag. Dat System is ruchweg 390 Lj wiet vun de Eer weg.
Egenschoppen[ännern | Bornkood ännern]
De düütlich hellere Kumponent vun dat System warrt ok as Atlas Aa1 betekent un hett de Spektralklass B8 III. De Steern is also en Blauen Rees, de bito woll ok noch ännerlich is. He warrt to de Klass vun de langsom pulseren B-Steerns rekent.
De Kumponent Atlas Aa2 schient to de Hööftreed to höörn un wiest den Spektraltyyp B8 V. Sien Helligkeit is groot noog, dat he ok alleen mit’n free Oog to sehn weer, man he warrt vun de hellere Kumponent överblennt un is dorüm blots spektroskoopsch to kennen.
Weblenken[ännern | Bornkood ännern]
- Atlas in’n Steernkataloog vun Jim Kaler