Anne Briand

Vun Wikipedia
Zur Navigation springen Zur Suche springen

Anne Briand (* 2. Juni 1968 in Mülhausen) is en ehmalge franzöösch Biathletin.

Briand hörr to de best Biathleten to Anfang vun de 1990er Johren. Hör Vereens weern SC Douanes Montgenevre bzw. SM Veynois.

Bi de Olympisch Winterspelen 1992 in Albertville, de eerst Utdragen vun de Biathlonwettbewarfen bi Olympisch Spelen, kunn se mit de franzöösch Staffel (dormals 3 × 7,5 Kilometer) gemeensam mit Corinne Niogret un Véronique Claudel de Goldmedaille haalen. 1994 bi de Olympisch Winterspelen in Lillehammer wunn se in' Eenzel de Sülvermedaille achter Myriam Bédard, aber vör Uschi Disl.

1995 wurr Briand bi de Biathlonweltmeesterschapen in' Sprint över 7,5 Kilometer Weltmeesterin (vör Uschi Disl un Corinne Niogret). In de glieker Saison wunn se ok den Gesamtweltcup in' Biathlon.

De Veehdoktersche (Afsluss 1993) is mit Stéphane Bouthiaux verheiraadt.

Weblenken[ännern | Bornkood ännern]