Amtsgericht Geestmünn

Vun Wikipedia
Zur Navigation springen Zur Suche springen

Dat Amtsgericht Geestmünn weer en Amtsgericht in dat Königriek Hannover un de prüüßsche Provinz Hannover. Dat harr sien Seet in Geestmünn.

Överornt Gerichten[ännern | Bornkood ännern]

Dat Amtsgericht Geestmünn weer bet 1859 dat Obergericht Leh, denn bet 1879 dat Obergericht Veern un na 1879 dat Landgericht Veern överornt.

Geschicht[ännern | Bornkood ännern]

Mit dat hannöversche Gerichtsverfatensgesett von’n 8. November 1850, dat an’n 1. Oktober 1852 in Kraft gahn is, sünd Verwaltung un Justiz kumplett trennt worrn un de Amtsgerichten sünd as ünnerst Gerichten inricht worrn. Dat Amtsgericht Leh is dor denn blangen dat Amt Leh nee schapen worrn. De Grenzen von Amt un Amtsgerichtsbezirk weren desülven. Aver al 1864 is dör dat Wassdom von de dree Städer Leh, Geestmünn un Bremerhoben de Bezirk von dat Amtsgericht Leh opdeelt worrn. Ut de ene Hälft is dat ne’e Amtsgericht Geestmünn billt worrn.

Nadem Prüßen 1866 dat Königriek Hannover annekteert hett, is dor de Provinz Hannover von worrn. Dat Amtsgericht weer nu prüüßsch.

To’n 9. Oktober 1942 sünd de Amtsgerichten Bremerhoben, Leh un Geestmünn to dat prüüßsche Amtsgericht Wersermünn tohoopfaat worrn. Na’n Tweten Weltkrieg hett de britsche Militärregerung an’n 18. Februar 1947 dat Amtsgericht aver ünner dat Landgericht Bremen stellt un dor is dat Amtsgericht Bremerhoben von worrn, dat to dat Land Bremen höört.

Amtsrichters[ännern | Bornkood ännern]

  • 1877–1883: August Philipp Franz Thöl