Allein unter Frauen

Vun Wikipedia
Zur Navigation springen Zur Suche springen
Filmdaten
Plattdüütsch Titel:
Originaltitel: Allein unter Frauen
Düütsch Titel: Allein unter Frauen
Produkschoonsland: Düütschland
Johr vun’t Rutkamen: 1991
Läng: 85 Minuten
Originalspraak: Düütsch
Öllersfreegaav in Düütschland: FSK 12
Filmkru
Speelbaas: Sönke Wortmann
Dreihbook: Philipp Weinges
Produkschoon: Dietrich Mack
Musik: Torsten Breuer
Kamera: Hans-Jörg Allgeier
Jörg Widmer
Snitt: Gudrun Böhl
Kledaasch: Katharina von Martius
Dorstellers

Allein unter Frauen (op platt so veel as Alleen ünner Fronslüüd) is de Titel vun den düütsche Filmkummedie ut dat Johr 1991. Speelbaas vun den Film weer Sönke Wortmann, de Hööftrull is mit Thomas Heinze besett.

Inholt[ännern | Bornkood ännern]

Tom Blattner is en Macho ut dat Lehrbook, de vun sik un sien Wirken op Fronslüüd bannig övertüügt is. Man dat Schicksal is gegen em: As he vun sien Baas’sche todaten kregen warrt, as he bi de Arbeit en sexistisch Speel an sien Reekner lopen hett, warrt he rutsmeten. Vörher al hett sien Leefste em vör de Döör sett, un – as weer dat noch nich noog – kriggt he vun en Fro een op de Mütz, as he versöcht mit ehr antobanneln. För de eerste Tiet kann he bi sien vörmoligen Kollegen Manfred ünnerkamen. As de een Dag Besöök kriggt vun de söten Anette, lett Tom wedder mol sien inbillten Charme spelen, un versöcht ehr aftogriepen, vördem Manfred to’n Tog kummt. Ofschoonst Anette keen Geheemnis dorvun maakt, dat Tom sien Getüdel ehr nich anspreken deit, maakt se em an’t Enn vun’n Avend dat Anbott, bi jem in de Frons-WG intotehn. Tom glöövt natürlich, dat he dor de Hahn in’n Korf is, man dor is he scheef wickelt. Anette hett wat anners vör un nütt em as Versöökskaninken för en Experiment: Kann man ut’n Macho en emanzipeerten Minschen maken?

Tom kann natürlich nich ut sien Huut und dat Experiment schient glieks vun Anfang an bargdaal to gahn. As he keen Arbeit hett, hett he natürlich ok keen Geld, üm de Miete to betahlen. De Fronslüüd beedt em an, dat he ümsünst bi jem wahnen kann, wenn he dorför den Huusholt smieten deit. Dat is aver nu gor nich na sien Mütz, un so verscöht he sik eerstmol mit annere Arbeiten över Water to hollen. Mit de tiet warrt em aver kloor, dat he wat an sien Verhollen ännern mutt, wenn he wieter kamen will. Wohrhaftig geiht he op dat Anbott in un maakt de Huusarbeit. Mit de Tiet leggt he sien Machoallüren af, ok wenn he den een oder annern Rüchfall hett.

Liekers integreert he sik in de Frons-WG un fangt sogor an Fronsliteratur zu lesen. So kann he sik mit de Tiet sogor en beten Respekt rutarbeiten. An’t Enn bedeeligt he sik sogor an en Anslag, den de Feministinnengrupp, bi de sien Mitbewahnersches mitmaakt, op en Pornokino veröövt. De Polizei kriggt jem to faten. Liekers verdedigt he wieter de Idealen vun de Feministinnen, ahn över de Naklapp natodenken. Dormit maakt he dat Experiment opletzt to en echten Spood.

Kritik[ännern | Bornkood ännern]

  • Lexikon vun’n internatschonalen Film: "Leichthändig konstruierte Komödie, die eine mitunter sehr naive Geschichte mit viel Sympathie für die Personen erzählt, ohne sich mit tieferer Absicht oder „Ideologien“ zu belasten; ein folgenloses Lustspiel, das bezeichnenderweise in der traditionellen Zweierbeziehung endet."

Utteken[ännern | Bornkood ännern]

Sönke Wortmann is bi’t Filmfest München in’t Johr 1991 mit den Regiefödderpries vun de HypoVereinsbank uttekent worrn.

Websteden[ännern | Bornkood ännern]