Wortfleet
| Wapen/Flagg | Koort | |
|---|---|---|
|
|
| |
| Basisdaten | ||
| Flach: | 9,79 km² | |
| Inwahners: | 223 (27. November 2017) | |
| Inwahnerdicht: | 22,8 Inwahners pro km² | |
| Hööchd: | 0 m över NHN | |
| Postleettall: | 27628 | |
| Vörwahl: | 04296 | |
| Geograafsche Laag: | Koordinaten:53° 18′ N, 8° 32′ O53° 18′ N, 8° 32′ O | |
 | ||
|
| ||
Wortfleet (hoochdüütsch Wurthfleth) is en Oort in de Gemeen Hagen in’n Landkreis Cuxhoben, Neddersassen. Binnen de Gemeen billt de Oort de polietsche Oortschop Wortfleet.
Geografie
[ännern | Bornkood ännern]Wortfleet liggt in de Oosterstoder Masch nich wied af von’n Rechten Blangenarm von de Werser. Von’n Hauptloop von de Werser is de Oort dör de Insel Harriersand aftrennt.
De Naveröörd sünd Rechtebe un Weersbe in’n Noorden, Uthleer in’n Noordoosten, Meyenborg un Brook in’n Süüdoosten, Aschwarden un Rade in’n Süden un Harriersand in’n Westen.
Historie
[ännern | Bornkood ännern]De Oort kummt 1202 toeerst in de Oorkunnen vör.[1]
Verwaltungsgeschicht
[ännern | Bornkood ännern]In de Franzosentied von 1810 bet 1814 hett de Oort to de Mairie Weersbe in’n Kanton Hagen höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.
De Oort hett vör 1885 to dat Amt Hagen tohöört. Na 1885 weer dat in’n Kreis Geestmünn. 1932 is dat Deel von’n Kreis Wersermünn worrn un 1977 von’n Landkreis Cuxhoben.
1929 is de Oort Rechtebe Deel von de Gemeen Wortfleet worrn. De Gemeen Wortfleet is denn mit de Gemeenreform in Neddersassen dör dat Gesett för dat Neeindelen von de Gemenen in’n Ruum Oosterholt/Wersermünn von’n 13. Juni 1973 an’n 1. März 1974 Deel von de Gemeen Saans in de Samtgemeen Hagen worrn. Gemeen Saans un Samtgemeen Hagen sünd to’n 1. Januar 2014 oplööst worrn un dat Rebeed is nu Deel von de Gemeen Hagen. Sietdem billt Wortfleet en Oortschop mit egen Oortsvörsteiher binnen de Gemeen Hagen.
Inwahnertall
[ännern | Bornkood ännern]| Johr | Inwahners |
|---|---|
| 1791[2] | 46 Füürsteden |
| 1812[3] | 290 |
| 1848[4] | 256 Lüüd, 42 Hüüs |
| 1. Dezember 1871[5] | 193 Lüüd, 43 Hüüs |
| 1. Dezember 1885[6] | 240 Lüüd, 39 Hüüs |
| 1. Dezember 1905[7] | 205 Lüüd, 36 Hüüs |
| 1. Dezember 1910[8] | 196 |
| 1925[9] | 187 |
| 1933[9] | 291 |
| 1939[9] | 301 |
Religion
[ännern | Bornkood ännern]Wortfleet is evangeelsch-luthersch präägt un höört to dat Kaspel von de Marienkark in Weersbe.
Oortsvörsteihers
[ännern | Bornkood ännern]- 1. Januar 2014–: Lothar Becker (CDU)
Wapen
[ännern | Bornkood ännern]Dat Wapen von Wortfleet wiest op sülvern Grund över en grönen Dreebarg in’n Schildfoot in blau dat Bladd von en Escher. Op’n Dreebarg is en sülvern Wellenband to sehn.
Utklamüsert hett dat Wapen de Heraldiker Albert de Badrihaye. Dat Wapen steiht för den Naam von’n Oort. De Dreebarg is en Symbool för en Wort un dat Wellenband för en Fleet. De Escher is de Reedschop, mit de de Worten anleggt worrn sünd.
Kultur
[ännern | Bornkood ännern]En Denkmaal för de Fullenen ut de twee Weltkrieg’ steiht in Weersbe op’n Karkhoff.[10]
Weertschop un Infrastruktur
[ännern | Bornkood ännern]De freewillige Füürwehr Wortfleet billt en Löschgrupp binnen de Füürwehr von Uthleer.
Verkehr
[ännern | Bornkood ännern]Dör Wortfleet löppt de Kreisstraat 49, de in’n Noordoosten na Rechtebe un Uthleer geiht. In Rechtebe geiht von de K 49 na Noorden de K 50 na Weersbe, Offenwarden un Saans. Na Süden geiht de K 49 in’n Landkreis Oosterholt in de K 2 över, de na Rade un Ne’enkarken geiht.
De nächste Autobahn is de Autobahn 27 (Afsnidd Bremen–Bremerhoben). De Opfohrt 13 Uthleer liggt so acht Kilometer in’n Oosten von Wortfleet.
De nächste Bahnhoff is so bi 13 Kilometer wied weg in’n Süden de Bahnhoff Farge an de Bahnlien Farge–Vesack. Dor föhrt de Lien RS 1 von de Regio-S-Bahn Bremen/Neddersassen, de von Farge bet na Veern geiht.
Von September 1911 bet 1931 harr de Oort en Bahnhoff an de Nedderwerserbahn.
Scholen
[ännern | Bornkood ännern]Na School gaht de Kinner op de Grundschool Uthleer un na Hagen för de annern Schoolformen. Bet 2008 sünd de Schölers noch op de Grundschool in Weersbe gahn, de denn aver dichtmaakt hett.
Footnoten
[ännern | Bornkood ännern]- ↑ Carsten Boos: Kurhannoversche Landesaufnahme des 18. Jahrhunderts: Kassebruch. Erläuterungen zum Blatt 20 Kassebruch. Neddersassisch Landsverwaltungdamt, 1992, Sied 3
- ↑ Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 259
- ↑ Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling, Ossenbrügge 1813, Sied 105
- ↑ Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 133
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 154
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 165
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 52
- ↑ Inwahnertallen op gemeindeverzeichnis.de
- ↑ a b c Inwahnertallen op verwaltungsgeschichte.de
- ↑ Onlineprojekt Gefallenendenkmäler
Albst (mit Büggeln) | Braamst (mit Braamst, Braamstermoor, Bremerhorn, Finn, Finterbarg, Gackau, Harndorp, Loh un Wittst) | Dörphagen | Driftseth (mit Dannendörp, Rechtenflethermoor un Wittenbarg) | Hagen (mit Börsten un Harmonie) | Hein (mit Vosloog) | Hoop (mit Seelhorn) | Kassbrook (mit Grienenbargshusen un Kassbroker Heid) | Leernst (mit Born, Düngel, Neenhusen un Seedörp) | Offenwarden (mit Offenwardermoor) | Rechtenfleth (mit Blömkenmoor, Dreptersiel un Feldhoff) | Saans (mit Saanstermoor) | Uthleer (mit Cleve un Uthleererbarg) | Weersbe (mit Weersbermoor) | Wolsbuddel (mit Heesen un Woldar) | Wortfleet (mit Rechtebe un Rechtebermoor)