Leernst

Vun Wikipedia
Wesseln na: Navigatschoon, Söök
Wapen/Flagg Koort
Wapen vun Leernst
Leernst
Laag vun Leernst in Düütschland
Basisdaten
Bundsland: Neddersassen
Landkreis: Cuxhoben
Gemeen: Gemeen Hagen
Flach: 13,58 km²
Inwahners:
Postleettall: 27628
Vörwahl: 04795
Geograafsche Laag:
Koordinaten:53° 19′ N, 8° 39′ O
53° 19′ N, 8° 39′ O

Leernst (hoochdüütsch Lehnstedt) is en Dörp in de Gemeen Hagen in’n Landkreis Cuxhoben, Neddersassen. To Leernst höört ok de lüttje Oort Seedörp mit bi.

Geografie[ännern | Bornkood ännern]

Een Kilometer in’n Oosten von Leernst löppt de Drept langs. In’n Noorden liggt dat Naturschuulrebeed Süüdlich Hagener Königsmoor un in’n Noordwesten dat Borner Moor.

De Naveröörd sünd Hagen in’n Noorden, Wolsbuddel in’n Noordoosten, Hein in’n Süüdoosten, Meyenborg, Braakland un Brandbarg in’n Süüdwesten (de letzten dree in’n Landkreis Oosterholt), Uthleed in’n Westen un Neenhusen in’n Noordwesten.

Historie[ännern | Bornkood ännern]

Von Leernst na’n Süden to in’n Düngel gifft dat söven Hünengräver.

Dat eerste Maal kummt de Oort 1105 as Hlidenstede in en Oorkunn von’n Bremer Arzbischop Friedrich I. vör. De Naam kummt wohrschienlich af von dat Woord Lieth, wat för en Geestbarg steiht.

Vör 1885 weer Leernst in’t Amt Hagen un na 1885 in’n Kreis Geestmünn. 1932 is dat Deel von’n Landkreis Wersermünn worrn un 1977 von’n Landkreis Cuxhoben.

1929 sünd Neenhusen un Born Deel von de Gemeen Leernst worrn. An’n 1. März 1974 is de ole Gemeen Leernst sülvs Deel von de Gemeen Wolsbüddel worrn. An’n 1. Januar 2014 sünd Leernst un Wolsbüddel denn tohoop Deel von de ne’e Gemeen Hagen worrn.

In’n Eersten Weltkrieg sünd 18 Soldaten ut Leernst fullen oder vermisst un in’n Tweten 26[1].

Inwahnertall[ännern | Bornkood ännern]

Johr Inwahners
1824-00-00 1824[2] 23 Füürsteden
1848-00-00 1848[3] 183 Lüüd. 30 Hüüs
1910-12-011. Dezember 1910[4] 143
1933-00-00 1933[5] 265
1939-00-00 1939[5] 271

Religion[ännern | Bornkood ännern]

Leernst is evangeelsch präägt un höört bi dat Kaspel von de Lucia-Kark in Wolsbuddel.

En egen Karkhoff hett Leernst 1959 kregen, vörher sünd de Lüüd bi de Kark in Wolsbuddel begraven worrn.

Wapen[ännern | Bornkood ännern]

Dat Wapen von Leernst wiest op blauen Grund un en grönen Schildfoot en sülvern Hünengraff un dor över en gollen Ekentelg mit dree Bläder un dree Eckern.

Kultur[ännern | Bornkood ännern]

En Denkmaal för de Fullenen ut de twee Weltkrieg’ steiht in Leernst op’n Karkhoff.

Verenen[ännern | Bornkood ännern]

Leernst hett en egen Freewillige Füürwehr, de 1902 grünnt worrn is. Bi’n Scheetsport maakt de Leernsters bi’n Schützenvereen Wolsbuddel mit.

De Heimatvereen is an’n 22. Januar 1974 grünnt worrn.

Infrastruktur[ännern | Bornkood ännern]

Leernst hett 1920 elektrischen Stroom kregen.

Verkehr[ännern | Bornkood ännern]

Leernst liggt an de Kreisstraat 48, de in’n Oosten över Wolsbuddel na de Landsstraat 135 hen löppt. In’n Westen löppt de Straat na Uthleed. So bi een Kilometer in’n Westen von Leernst büddt de K 48 en Opfohrt op de Autobahn 27.

Dat nächste Bahnhoff is de Bahnhoff Lübberst in Wohlthöben an de Bahnlien Bremen-Cuxhoben.

Scholen[ännern | Bornkood ännern]

Bet 1970 harr Leernst en egen Volksschool. Vondaag gaht de Kinner in Uthleed na Grundschool un na Hagen för de annern Schoolformen.

Footnoten[ännern | Bornkood ännern]

  1. http://www.denkmalprojekt.org/2011/wulsbuettel-lehnstedt_wk1u2_ns.htm
  2. C. H. Jansen: Statistisches Handbuch des Königreichs Hannover. 1824, Sied 366: http://books.google.de/books?id=tG0AAAAAcAAJ&pg=PA366
  3. Friedrich W. Harseim, C. Schlüter: Statistisches Handbuch für das Königreich Hannover. 1848, Sied 133: http://books.google.de/books?id=eOI-AAAAcAAJ&pg=PA133
  4. http://www.gemeindeverzeichnis.de/gem1900/gem1900.htm?hannover/geestemuende.htm
  5. 5,0 5,1 http://www.verwaltungsgeschichte.de/wesermuende.html

Weblenken[ännern | Bornkood ännern]