Volksbank Keden
De Volksbank Keden eG (offiziell Volksbank Kehdingen Niederlassung der Ostfriesische Volksbank eG) is en Telg von de Oostfreesch Volksbank. Seet von de Volksbank mit acht Filialen in’n Noorden von’n Landkreis Stood (Land Keden) is Drochters. De Bank höört to’n Genossenschaftsverband.
De BLZ is 200 697 86 un de BIC GENO DEF1 DRO. De Bilanzsumm weer an’n 31. Dezember 2011 241 Millionen Euro. De Bank hett 45 Mitarbeiders.
Blangen Drochters hett de Volksbank Filialen in Doornbusch, Aßel, Bützfleet, Wischhoben, Freeborg, Öderquart un Balje.
Historie[ännern | Bornkood ännern]
De Spoor- un Dorlehnskass Drochters hett sik an’n 18. Januar 1896 grünnt. 1950 hett de Bank den ne’en Naam Kedener Spoor- un Kreditbank kregen.
1966 is de Spoor- un Kreditbank Drochters mit de Spoor- un Dorlehnskassen Bützfleet un Wischhoben tohoopgahn. De Bilanzsumm is dor von 9,5 Millionen op 16,1 Millionen D-Mark stegen. 1988 is de Kedener Spoor- un Kreditbank mit de Volksbank Noordkeden to de Volksbank Keden tohoopgahn. De Bilanzsumm bedriggt to disse Tied 165 Millionen D-Mark.
2014 is de Volksbank Keden mit de Oostfreesch Volksbank dör Fusion tohoopgahn. Dat Volksbanken tohoopgaht, de-ehr Rebeed nich tohoophängt (twüschen Keden un Oostfreesland sünd üm un bi 130 Kilometer Luftlien), gifft dat ans meist gornich. De Grund, dat dat in dissen Fall anners kamen is, weer, dat de Volksbank Keden veel in de Schippfohrtsfinanzerung aktiv weer. Dör de Krise in de Schippfohrt is ok de Volksbank in Scheevlaag kamen. De Oostfreesch Volksbank is jüstso in de Schippfohrtsfinanzerung aktiv un dorüm hebbt de twee Banken beslaten tohooptogahn. De Alternative för de Volksbank Keden weer en Fusion mit de Volksbank Stood-Cuxhoben ut de Region, aver op en Versammlung an’n 7. Mai 2014 hett de Mehrheit beslaten, mit de Bank ut Leer tohooptogahn. För de acht Filialen in Keden hett de Oostfresch Volksbank en Bestandsgarantie för fiev Johr geven.
Den letzten Vörstand bet 2014 hebbt Dietmar Bruß un Björn Großmann billt, de Vörsitter von’n Opsichtsraad weer Friedhelm Schröder.
Geschäftsföhrers[ännern | Bornkood ännern]
- 1896-1914: Heinrich Thoborg
- 1914-1953: August Kröncke
- 1953-1970: Johannes Hugo Vöge
- 1970-1989: Ernst Porth
Weblenken[ännern | Bornkood ännern]
- Websteed von de Volksbank (hoochdüütsch)