Leer

Vun Wikipedia
Wesseln na: Navigatschoon, Söök
Wapen/Flagg Koort
Wapen vun Leer
Leer
Laag vun Leer in Düütschland
Basisdaten
Sitt: Leer
Bundsland: Neddersassen
Landkreis: Leer
Flach: 70,28 km²
Inwahners: 33.838 (2005-06-3030. Juni 2005)
Inwahnerdicht: 481,5 Inwahners pro km²
Hööchd: 1 m över NN
Postleettall: 26789
Vörwahl: 0491
Geograafsche Laag:
Koordinaten:53° 14′ N, 7° 27′ O
53° 14′ N, 7° 27′ O
Gemeenslötel: 03 4 57 013
Öörd in de Gemeen: 9 Stadtdelen
Börgermeester: Wolfgang Kellner
Websteed: www.leer.de

Leer is en Stadt in Oostfreesland in d’ Landkreis Leer in Neddersassen (Düütschland). Daar sitt ok de Kreisverwalten. Se word ok "De Döör van Oostfreesland" nömt.

Geografie[ännern | Bornkood ännern]

Geografisk Laage[ännern | Bornkood ännern]

Leer is bi de Stroom Leda baut worden, man is nu al so groot, da se ok an de Eems liggen deit. De Stadt hett en Haven för Seeschippen. Bi dat lüttje Loog Leerort, dat en Stadtdeel van Leer is, komen de Stromen Eems un Leda tosammen. Neet wiet weg van Leer is de Grenz to de nedderlanske Provinz Grunneng.


Nahbergemeenten[ännern | Bornkood ännern]

Updeelen van de Stadt[ännern | Bornkood ännern]

Geschicht[ännern | Bornkood ännern]

Rathuus van d’ Stadt Leer

In dat Jahr 791 hett de Fresenapostel Luidger de eerste lüttje Kark in de oost-freeske Kuntrei gründt, und dat dicht bi dat Loog Leer.

To de Tieden van de oostfreeske Hoovtlingen harr de Hoovtlingsfamilie van Fokko Ukena hör Seet in Leer. Dit Familie harr in groot Inflood in disse Tied. 1508 gaff Graaf Edzard de Groot an Leer dat Recht, en Markt to hollen. Noch vandag word elke Jahr in d’ Oktober-Maand de Gallmarkt (Gallimarkt) in Leer offhollen (16. Oktober-Maand is de St.-Gallus-Dag).

De eerste Volkschool kweem in’t Jahr 1525. Graaf Johann hett denn 1584 en Latienschool in Leer gründt. Van dit School was Ubbo Emmius van 1588 bit 1594 Baas.

Oberst Erhard Ehrentreuter boo 1642 in Loga en Burg, waar he in wahnen kunn. Dit Burg hett he na sie Froo Eva nömt: Evenburg.

1643 word, mit dat Utsehn van de nedderlandske Fröhbarock dat "Huus Samson" baut. In sien Vörsied wurr later dat Wapen van d’ Familie Vissering insett. Vandag sitt d’r de bekennt Wienhannel Wolff in.

De lutherske Kark („Lutherkark“) word in’t Jahr 1675 baut. De erste Steen wurr an d’ 2. Juni sett.

In’t 18. Jahrhunnert kwam de Industrie. Verscheden Fabriken begünnen hör Wark in de Flecken Leer.

1730 word in Loga de Philippsburg baut.

De reformeerte Kark "St. Liudger" word 1785 offbroken. Blot de Krypta is bit vandag över bleven. An d’ 16. September-Maand van’t sülvke Jahr word de eerste Steen för de neei reformeerte Kark sett. Inweiht wurr se twee Jahren later, an d’ 16. September-Maand 1787.

Cramer von Baumgarten wurr 1812, in de Franzosen-Tied, van de französke Verwalten to de Maire (Buurmester) maakt un wurr daarmit de eerste Buurmester van Leer in’t Geheel. Vördem harren de "Schüttmesters" dat Leit van de Stadt. Leer was in 15 Rott updeelt un elke Rott wählde sien Schüttmester.

In’t Jahr 1823 kreeg Leer van König Georg IV. van Hannober dat Stadtrecht tosproken.

Dat eerste Bladdje, dat „Leerer Anzeigeblatt“, kwam an d’ 15. April-Maand 1848 in d’ Bookdruckeree Zopfs ruut.

1856 kreeg Leer mit en Bahnhof an d’ "Hannoverschen Westbahn" en Anbinnen an de Bahnstreek van Emden na Rheine, 1856 wurr de Gesamtstreek Emden-Hannober open maakt. Daarmit was Leer an dat düütsche Iesenbahnnett ansluten.

In dat Jahr 1861 gaff Georg V., Könink van Hannober, date erste Wapen an de Stadt: En sülvern Kastell in en rode Feld, daaröver en golden Leuw, an de Dör van dat kastell van en Schild mit dat Wapen van de Könink, en witt Peer, anlehnt.

De Jöden harren van 1883 bit 1885 hör Synagoge baut, man se wurr 1938 in de Riekspogromnacht offbrannt.

Umdat de Stadt van en Börger 160000 Goldmark arvt harr, kunn se 1887 anfangen, en Raadhuus to planen. Dat gaff en Wettbewarv. Ut 31 Vörslaan wur de Plaan van Professor Henriki ut Aken utsöcht. Fiev Jahr hebben’s d’r denn an baut, an d’ 29. Oktober-Maand 1894 wurr dat denn inweiht.

Van 1900 bit 1903 wurr de Haven van Leer so utbaut, dat de Schippers sük neet mehr um Ebb un Flood kümmern mutten. En Arm van de Leda wurr offtrennt un mit en Slüüs an de Stroom anbunnen. Ok vör Stöörmflooden kunn sük Leer nu beter schulen.

Van 1925 bit 1928 hebbens in Leer weer in Bült baut. Tüskendör was de Deerenmarkt up de Halfinsel Nesse de gröttste Markt in Europa. Um an de Nesse rantokomen, wurr en Stück van de Haven dicht maakt.

In’d tweet Weltorlog harr Leer Glück hat, dat neet so völ kött gahn is.

In dat Jahr 1950 kreeg Leer denn en neei Wapen, da se ok bit vandag noch hett. Dat Wapen is na en Siegel ut dat Jahr 1639 utklabüstert worden. Van d’ 1. Oktober-Maand 1955 off an was Leer en so nömt sülvstannig Stadt.

Gloov un Karken[ännern | Bornkood ännern]

Leer is siet de Reformatschoon al protestannsk west. Un so sücht dato ok vandag ut: In de Stadt gift da mennig lutherske un reformeerte Karken. De „Evangelsk-reformeerte Kark – Synode van de reformeerte Karken in Bayern un Noordwest-Düütschland“ hett sogaar hör Hööftseet in Leer. Man in Leer gift dat ok en grote Utwahl van anner protestansk Karken: Gemeenten van de Baptisten, Mennoniten, Methodisten, Adventisten un Mormonen, sünd to finnen, man ok twee Röömsch-kathoolsche Karken.

Entwickeln van de Inwahnertahlen[ännern | Bornkood ännern]

(elk an d’ 31. Dezember)

Politik[ännern | Bornkood ännern]

Stadtraad[ännern | Bornkood ännern]

Siet 1964 hett de SPD de gröttste Fraktion in d’ Stadtraat. Ergeevnissen van d’ Raadswahl 2001:

  • SPD: 42 % / 16 Seeten
  • CDU: 26 % / 10 Seeten
  • AWG: 16 % / 6 Seeten
  • Gröön: 11 % / 4 Seeten
  • FDP: 5 % / 2 Seeten

Buurmester is Wolfgang Kellner. He hett kien Partei, man he was maal in d’ SPD.

Städerfründschoppen[ännern | Bornkood ännern]

Kultuur un Saken to sehn[ännern | Bornkood ännern]

Lü van wiet weg kennen Leer, umdat de Stadt so en moi historisk Ollstadt hett, besünners dat Raadhuus un de oll Waag, waar ok de Museumshaven mit de oll Schippen is. Nich wiet van de Eems weg is de Plytenbarg, waar völ Geschichten van vertellt worden. Umto van Leer gift dat de oostfreeske Wallheckenlandskupp.

Boowarken[ännern | Bornkood ännern]

Parks[ännern | Bornkood ännern]

De Stadt Leer hett en Bült Gröönland un Steden, waar sük Lü verhalen könen, to'n Bispööl:

  • Schlosspark van d’ Evenburg
  • Philippsburger Park
  • Julianenpark
  • Leerder Westerhammerk

Regelmatig Veranstaltens[ännern | Bornkood ännern]

Elke Jahr gift dat in d’ Haarvst de Gallmarkt, en van de gröttsen Jahrmarkten in Noordwestdüütschland. Elke twee Jahr word de Oostfreeslandschau utricht. Siet 2002 word elke Jahr dat Rockfestival "Rock am Deich" unner d’ free Hemel offhollen.

Weertskupp un Infrastruktur[ännern | Bornkood ännern]

Verkehr[ännern | Bornkood ännern]

Van Leer ut kann man good up de Autobahn. In d' Noorden van de Stadt is dat Autobahndreieck Leer mit de A 28 un A 31. Ok en Bahnhoff hett de Stadt, daar treffen sük twee Streken: de Eemsland-Streek tüsken Mönster un Emden un de Streek ut Ollnborg. Een paar maal elke Dag fahrt ok en Iesenbahn in de Nedderlannen, na Nieuweschans. En lüttje Flughaven gift dat ok bi Leer.

Unnernehmen in de Statdt[ännern | Bornkood ännern]

Achter Hambörg is de tweedgröttste Oort för Reeders in heel Düütschland: Bold 20 Perzent van d’ düütsche Hannelsmarine komen ut Leer.

Mit de Bünting-Gruppe [1] hett een van de gröttste Hannelsunternehmens van Düütschland sien Seet in Leer. To Bünting hören to’n Bispööl de Combi-Verbrukermarkten, famila Nordwest un Markant Nordwest. De Naam Bünting word van de Lü besünners mit dat Teehannelshuus un de töhörig Oostfreesentee in Tosammenhang brocht.

Medien[ännern | Bornkood ännern]

In Leer sitt de Ostfriesen-Zeitung, de in heel Oostfreesland ruutkummt. In d'Stadt gifft dat kien anner lokaal Bladdje. Blot in de Stadtdeel Bingum, de an d’anner Sied van d’Eems in’t Rheiderland liggt, gift dat noch de Rheiderland-Zeitung.

Butendem hett dat de Börgerradio „Radio Oostfreesland“ en Studio in d' Stadt. In Leer gift dat verscheden lüttje Verlaagen un ok Bladen, de hör Geld blot dör Anzeigen kregen.

Publiek Inrichtens[ännern | Bornkood ännern]

In Leer hett de „Evangelsk-reformeerte Kark – Synode van de reformeerte Karken in Bayern un Noordwest-Düütschland“ hör Hööftseet.

Dat „Kommando Schnelle Einsatzkräfte Sanitätsdienst“ van de düütsche Bundswehr (KSES) is in Leer stationeert.

Bilden un Utbilden[ännern | Bornkood ännern]

In Leer gift dat söven Grundscholen van de Stadt un en Bült Scholen för de oller Schooljungse un –wichte. Daarto hören de beid groot Gymnasien Teletta-Groß-Gymnasium un Ubbo-Emmius-Gymnasium, twee van de gröttste Gymnasien in Neddersassen. Hör Abitur könen de Schooljunsge un –wichter ok up de Beroopsbildend Schoolen maken.

En lang Geschicht hett de Seefahrtschool in Leer. Vandag is dat dat Institut för Seefahrt an d’ Fackberiek Weertskupp van de Fackhoogschool Ollnborg/Oostfreesland/Willemshaven.

Leer is Seet van de Volkshoogschool van d’ Landkreis, de „Berufsakademie Oost-Freesland“, van de Kreismusiekschool, van dat Studienseminar Leer, van de Verwaltens- un Weertskuppsakademie un van anner Bildeninrichtens.

Bekennt Lü[ännern | Bornkood ännern]

van de Universität Groningen

Weblinks[ännern | Bornkood ännern]