Bützfleet
| Wapen/Flagg | Koort | |
|---|---|---|
 |
|
|
| Basisdaten | ||
| Inwahners: | ||
| Hööchd: | 2 m över NN | |
| Postleettall: | 21683 | |
| Vörwahl: | 04146 | |
| Geograafsche Laag: | Koordinaten:53° 39′ N, 9° 29′ O53° 39′ N, 9° 29′ O |
|
Bützfleet (hoochdüütsch Bützfleth) is en Dörp mit üm un bi 4800 Inwahners in de Gemeen Stood in’n Landkreis Stood, Neddersassen.
Inholtsverteken |
[ännern] Geografie
Bützfleet liggt in de Masch glieks an de Elv un höört to Kehdingen. Dat is de süüdlichste Oord in Kehdingen, achter de Swing fangt Olland an. De Münn von de ole Bützfleter Süderelv is dör dat Abbenfleetsperrwark afsperrt.
De Naverdörper sünd Barnkroog un Abbenfleet in’n Noorden, Götzdörp in’n Süden, Stodermoor in’n Süüdwesten un Bützfletermoor in’n Westen.
[ännern] Historie
Bützfleet dükert as Buttesvlethe 1124 toeerst in de Oorkunnen op, as Land in Bützfleet an dat Klooster Harsfeld schenkt warrt. In disse Tied warrt ok toeerst von en Kapell in Bützfleet snackt.
As Dörp an de Elv weer de Schipperee jümmer wichtig för Bützfleet, aver ok de Bueree, besünners de Aavtbo, hett en grote Rull speelt.
Bi de Stormflood von 1962 is de Oord deelwies överswemmt worrn. In de Johren 1960 is denn ok dat Industrierebeed Bützfleet anleggt worrn, dat glieks an de Elv op Bützfletersand liggt. Dorto höört en groot Wark von de DOW, de Aluminium Oxid Stood un fröher dat Karnkraftwark Stood, de Salien un VAW/Hydro Aluminium. Över den Haven Bützfleet is dat Rebeed an’n Seeverkehr anslaten.
Mit de Industrie is ok en Barg törksche Gastarbeiders na Bützfleet kamen, de dor nu al in twete un drüdde Generatschoon leevt. Vondaag hett de Oort ok en egen Moschee von DİTİB.
Bützfleet höört siet de Gemeenreform in Neddersassen an’n 1. Juli 1972 to de Gemeen Stood.
In’n Eersten Weltkrieg sünd 33 Soldaten ut Bützfleet fullen oder vermisst[1].
[ännern] Inwahnertall
| Johr | Inwahners |
|---|---|
| 1824[2] | 92 Füürsteden |
| 1848[3] | 600 Lüüd. 94 Hüüs |
| 1890[4] | 2.331 |
| 1. Dezember 1910[5] | 2.355 |
| 1925[4] | 2.189 |
| 1933[4] | 2.332 |
| 1939[4] | 2.434 |
[ännern] Wapen
Dat Wapen is baven blau un ünnen gröön dör en sülvern Wellenband deelt. Baven is en sülvern Seilschipp to sehn, ünnen en sülvern Urn.
Dat Wellenband steiht för dat Fleet, dat Blau un dat Schipp för de Elv un de Schipperee un dat gröön för dat siede Land un de Bueree. De Urn wiest op de wichtigen Funnen ut de Vörgeschicht in Bützfleet.
[ännern] Religion
Bützfleet is evangeelsch präägt un billt en egen Kaspel mit de Nicolai-Kark as Kaspelkark.
[ännern] Politik
[ännern] Oordsraad
De Oordsraad hett 15 Maten.
| Johr | CDU | SPD | FDP | Wählergemeenschop Bützfleet |
|---|---|---|---|---|
| 2006[6] | 8[7] | 6[7] | 1 | |
| 2011[6] | 7 | 5 | 3 |
[ännern] Börgermeester
- vör November 2010: Wolfgang Rust (CDU)
- na November 2010: Sönke Hartlef (CDU)
[ännern] Kultur
Bi’n Bützfleter olen Karkhoff an de Nicolai-Kark steiht en Denkmaal för de Fullenen ut de twee Weltkrieg’ ut dat Kaspel Bützfleet.
[ännern] Verenen
De Freewillige Füürwehr is 1877 grünnt worrn. Bützfleet hett ok en Schützenvereen, de 1959 grünnt worrn is. Dat Schützenfest is an’t drüdde Wekenenn in’n August.
[ännern] Infrastruktur
[ännern] Verkehr
Bützfleet liggt an de Landsstraat 111, de in’n Noorden na Drochters un in’n Süden na Stood löppt. Lüttjere Straten gaht na Stodermoor un Bützfletermoor.
Dat Industrierebeed Bützfleet is an de Iesenbahn anslaten, de Oord hett aver keen Bahnhoff för Personenverkehr. De nächste Bahnhoff an de Nedderelvbahn is in Stood.
[ännern] Scholen
Bützfleet hett en Speelkreis un en Kinnergoorn. De Kinnergoorn hett 1967 apen maakt un is wedder nee opboot worrn, nadem he 2007 kumplett utbrennt is. An Scholen gifft dat en Grundschool un en Hauptschool. För de högeren Scholen mööt de Schölers na Stood. För’t Gymnasium normalerwies na de Vincent-Lübeck-School un för de Realschool na de Realschool Camper Höh.
[ännern] Freetied
De Oord hett veer Speelplätz un en Freebad. Blangen dat Freebad gifft dat bi Abbenfleet ok en Strand an’e Elv.
[ännern] Lüüd
De Politiker Nicolaus Dreyer weer ut Bützfleet. Ok de Politiker Wilhelm Stülten is dor boren.
[ännern] Literatur
- Johann Kleenlof: Chronik von Bützfleth. 1974
- Dark Winters: Bützfleth: Siedlung und Bestattungsplatz. 2007
[ännern] Footnoten
- ↑ http://www.denkmalprojekt.org/dkm_deutschland/buetzfleth_wk1u2_ns.htm
- ↑ C. H. Jansen: Statistisches Handbuch des Königreichs Hannover. 1824, Sied 100: http://books.google.de/books?id=tG0AAAAAcAAJ&pg=PA100
- ↑ Friedrich W. Harseim, C. Schlüter: Statistisches Handbuch für das Königreich Hannover. 1848, Sied 144: http://books.google.de/books?id=eOI-AAAAcAAJ&pg=PA144
- ↑ 4,0 4,1 4,2 4,3 http://www.verwaltungsgeschichte.de/stade.html
- ↑ http://www.gemeindeverzeichnis.de/gem1900/gem1900.htm?hannover/kehdingen.htm
- ↑ 6,0 6,1 http://tageblatt.de/main.cfm?MID=20579&Orig_DID=2154440&DID=2154440
- ↑ 7,0 7,1 twee Raadslüüd (een von de CDU un een von de SPD) hebbt sik von jemehr Frakschonen lööst un tohoop de Wählergemeenschop Bützfleet billt
[ännern] Weblenken
- Websteed von Bützfleet (hoochdüütsch)
