Stork

Vun Wikipedia
Wesseln na: Navigatschoon, Söök
Stork, Eebeer, Aadboor
Stork
Systematik
Ünnerstamm: Warveldeerten (Vertebrata)
Klass: Vagels (Aves)
Ünnerklass: Niegkeevvagels (Neognathae)
Ornen: Ciconiiformes
Familie: Störk
Wetenschoplich Naam
Ciconia ciconia
Linnaeus, 1758

De Stork oder Störk (de ok Aadboor oder Eebeer heet) is en groten Vagel mit enen langen lieken Snavel, hoge Benen un enen korten Steert. De witte Stork hett swarte Flunken; Been un Snavel sünd root. Bi't Flegen warrt de Hals wiet vörutstreckt. De mehrsten Störk sünd in Gegenden mit sumpige Wischen un Seen antodrapen, aver ok dar sünd se in de lesden Tieden tämlich roor wurrn. Nisten deit de Stork up Hüüs un Schünen, mennigmaal ok up Bööm. Sien Nest boot he ut Ries un Sprickwarks, leggt veer oder fief witte Eier, ut de de grieswitten Jungen utslüppt. Se warrt in'n Juli flügg un treckt in'n August mit de Olen na Afrika. De westdüütschen Störk fleegt över Süüd-Frankriek un Spanien, de oostdüütschen un baltischen över den Bosporus na den Nil un bit na Süüdafrika.

In Europa gifft dat ok den swarten Stork, de hollt sik vun de minschlichen Seedlungen wiet af, boot sien Nest up Bööm un frett mehrstens Fisch.

De witte Stork warrt na dat Klappen mit sienen Snavel ok woll Klapperstork nöömt. Fröher wurr faken dat Märken vertellt, dat de Klapperstork de lütten Kinner bringt. Vandaag glöövt aver nüms mehr an so’n Hintjentüüg.

Kiek ok bi[ännern | Bornkood ännern]

Weblenken[ännern | Bornkood ännern]

Commons-logo.svg Störk. Mehr Biller, Videos oder Audiodateien to’t Thema gifft dat bi Wikimedia Commons.
Wiktionary Wiktionary: Aadboor – Bedüdensverklaren, Woortherkamen, Synonymen, Översetten