Nil

Vun Wikipedia
Wesseln na: Navigatschoon, Söök
Nil
Laag Noordafrika
De Nil un siene Blangenströöm
Stroomsystem Nil
Läng 6.650 km
Born Nyungwe-Woold, Ruanda 2° 17′ S, 29° 20′ O (op 0 m över de See)
Münn Middelmeer 31° 28′ N, 30° 22′ O (op 2.700 m över de See)
Afströömrebeed 3.254.555 km²
Water je Sekunn 2.830 m³/s
linke Blangenströöm Bahr al-Ghazal
rechte Blangenströöm Sobat, Blau Nil, Atbara
Seen Viktoriasee, Kwania-See, Albert-See, Nassersee
De Nil geit merrn dör Kairo

De Nil is en 6.650 km langen Stroom in Noordafrika. Vun alltohoop 3.254.555 km² deit dat Water na’n Nil affleten.

De Naam Nil warrt vun’n Viktoriasee af an bruukt. In’n see doot aver ok en ganze Reeg Strööm fleten, so dat de opwiedst weg Born in’n Nyungwe-Woold in Ruanda liggt. Vun dor flütt dat toeerst in’n Rukarara, denn in’n Mwogo, Nyabarongo un in’n Kagera, de denn in’n Viktoriasee münnt. Bi Jinja in Uganda ströömt dat Water ut’n Viktoriasee af un billt vun dor af an den Viktoria-Nil. Dat Water deit dör den Kwania-See na’n Albert-See fleten. Vun dor af an heet de Stroom ok Albert-Nil. Dor, in’n Süüd-Sudan billt en Deel vun’n Stroom den Sudd. Viktoria- un Albert-Nil tohoop billt as Witten Nil een vun de twee groten Delen vun’n Nil. De annere is de Blaue Nil. Witt un Blau Nil doot bi Khartum in’n Sudan tohoopfleten. De Blaue Nil hett sien Born in’n Tana-See in dat Hoochland vun Äthiopien.

Bi Khartoum is dat ok, dat de Nil in de Sahara rinflütt. In Ägypten münnt de Nil denn in dat Middelmeer un billt dor en groot Delta. De Nil-Hoochwaters, de elk Johr fruchtborn Borrn opswemmt, hebbt de Hoochkultur vun dat ole Ägypten eerst mööglich maakt.