Ritzenbargen
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 27337 | |
| Vörwahl: | 04233 | |
| Geograafsche Laag: | Koordinaten:52° 56′ N, 9° 11′ O52° 56′ N, 9° 11′ O | |
|
| ||
Ritzenbargen (hoochdüütsch Ritzenbergen) is en Dörp in de Gemeen Blenner (Samtgemeen Thänhusen) in’n Landkreis Veern, Neddersassen.
Geografie[ännern | Bornkood ännern]
De Oort liggt in de Masch von de Werser.
De Naveröörd sünd Eeßel in’n Noordoosten, Daulsen in’n Oosten, Lüttjen Huttbargen un Groot Huttbargen in’n Süüdoosten, Öste un Aondörp in’n Süüdwesten un Reer, Intschen un Winkel in’n Westen.
Historie[ännern | Bornkood ännern]
Ritzenbargen kummt an’n 24. Mai 935 as Rikinburgi toeerst in en Oorkunn vör, in de König Hinnerk I. de Kark in Hamborg un den Hambörger Arzbischop Unni bestätigt, dat de Eddelherr Willarius sien Besitt in negen Dörper in’n Ruum Langwedel gegen Besitt von de Hambörger Kark tuuscht hett. To düsse Tied hett de Oort woll ok noch op dat rechte Över (dat Oostöver) von de Werser legen. Eerst later hett sik de Loop von de Werser ännert, so dat de Oort vondaag op dat linke Över liggt. In en Oorkunn von 1576 warrt von de Ole Werser schreven, de to de Tied aver al meist ganz tolannt weer.
Verwaltungsgeschicht[ännern | Bornkood ännern]
In de Franzosentied hett de Oort toeerst 1810 bet 1811 binnen dat Königriek Westfalen to de Mairie Blenner in’n Kanton Mattfeld höört un denn von 1811 bet 1814 to dat Franzöösche Kaiserriek ünner Napoleon un dor to de Mairie Intschen in’n Kanton Thänhusen.
De Oort hett vör 1852 to de Vaagdie Intschen von dat Amt Thänhusen (later Amt Wessen-Thänhusen) tohöört un denn von 1852 bet 1859 to dat Amt Swarm. 1859 is de Oort in dat Amt Veern wesselt. Na 1885 weer dat in’n Kreis Veern, de 1932 mit’n Kreis Achem to’n ne’en un grötteren Kreis Veern tohoopgahn is.
De Oort hett jümmer al to de Gemeen Aondörp mit tohöört. De Gemeen hett in dat 20. Johrhunnert denn aver den Naam to Ritzenbargen ännert. Se is an’n 1. Juli 1968 an de Gemeen Blenner kamen. An’n 1. Juli 1972 mit de Gemeenreform in Neddersassen is de Gemeen Blenner denn noch wedder düüdlich grötter worrn.
Inwahnertall[ännern | Bornkood ännern]
| Johr | Inwahners |
|---|---|
| 1791[1] | 7 Füürsteden |
| 1812[2] | 102 |
| 1824[3] | 14 Füürsteden |
| 1848[4] | 87 Lüüd, 12 Hüüs |
| 1. Dezember 1871[5] | 119 Lüüd, 19 Hüüs |
| 1. Dezember 1885[6] | 112 Lüüd, 18 Hüüs |
| 1. Dezember 1905[7] | 100 Lüüd, 15 Hüüs |
| 1. Dezember 1910[8] | 207* |
| 1933[9] | 165* |
| 1939[9] | 172* |
- * tohoop mit Aondörp
Religion[ännern | Bornkood ännern]
Ritzenbargen is evangeelsch-luthersch präägt un höört to dat Kaspel von’n Veerner Doom.
För de Kathoolschen is de St.-Josef-Kark in Veern tostännig.
Weertschop un Infrastruktur[ännern | Bornkood ännern]
För Ritzenbargen is de freewillige Füürwehr Blenner mit tostännig.
Verkehr[ännern | Bornkood ännern]
Ritzenbargen is över Aondörp in Blenner anbunnen an de Landsstraat 203, de in’n Noordwesten över Hidzdörp, Wulmsdörp un Morsen na Thänhusen geiht un in’n Süüdoosten na Groot Huttbargen un in Hänsch an de Bundsstraat 215 ran. Von de L 203 geiht na Noorden de Kreisstraat 9 af, de över Intschen na Dauben föhrt. Von de L 203 gaht tosätzlich de Landsstraten L 202 un L 201 af. De L 202 geiht von Blenner ut na Mattfeld un na Brooksen-Vilsen un de L 201 över Öste un Magelsen na Heien.
De nächste Autobahn is de Autobahn 27 (Afsnidd Bremen–Wasra). De Opfohrt 24b Langwedel liggt so twölv Kilometer in’n Noorden von Ritzenbargen an de K 9.
De nächste Bahnhoff is so bi negen Kilometer wied weg in’n Süüdoosten de Bahnhoff Veern an de Bahnlien Wunsdörp–Bremen.
Footnoten[ännern | Bornkood ännern]
- ↑ Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 193
- ↑ Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling, Ossenbrügge 1813, Sied 100
- ↑ Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 514
- ↑ Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 65
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 162
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 173
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 180
- ↑ Inwahnertallen op gemeindeverzeichnis.de
- ↑ a b Inwahnertallen op verwaltungsgeschichte.de
Weblenken[ännern | Bornkood ännern]
- Websteed över dat Dörp (hoochdüütsch)