Samtgemeen Thänhusen
| Wapen/Flagg | Koort | |
|---|---|---|
|
|
|
|
| Basisdaten | ||
| Sitt: | Thänhusen | |
| Landkreis: | Veern | |
| Flach: | 152,05 km² | |
| Inwahners: | 14.955 (31. Dezember 2007) | |
| Inwahnerdicht: | 98,4 Inwahners pro km² | |
| Geograafsche Laag: | 52° 58′ N, 9° 1′ O | |
| Gemeenslötel: | 03 3 61 401 | |
| Gemenen in de Samtgemeen: | 4 | |
| SG-Börgermeester: | Gerd Schröder | |
| Websteed: | www.thedinghausen.de | |
 |
||
De Samtgemeen Thänhusen is de eenzige Samtgemeen in’n Landkreis Veern, in de sik veer Gemenen för de Afwickeln vun de Verwaltenssaken tohopen slaten hebbt. De Sitt vun de Samtgemeen liggt in Thänhusen.
Inholtsverteken |
[ännern] Geografie
De Samtgemeen Thänhusen liggt an’n Aller-Stroom links vun de Werser in’t nöördliche Middelwerserrebeet. De Samtgemeen warrt to den süüdlichen Kreis vun Veern rekent, de mehr ländlich prägt is un as strukturswack gellt.
[ännern] Samtgemenenopdelen
De de Samtgemeen höört veer Gemenen, de nafolgen mit jemehr Oortsdelen oplist sünd:
- Gemeen Thänhusen: Ahsen-Oetzen, Beppen, Dibbersen, Dönnerstäen, Holtorf, Hostäe, Lunsen, Morsen, Oenigstedt, Thänhusen, Werder un Wulmstorf.
- Gemeen Blenner: Adolfshausen, Amedorf, Blenner, Einste, Gahlstorf, Hiddestorf, Holtum, Intschen, Öste, Reer, Ritzenbargen, Seestedt, Varste un Winkel
- Gemeen Emhusen: Bahlen un Emhusen
- Gemeen Rier: Fell, Hilmbrook un Rier
[ännern] Historie
De hüütige Samtgemeen Thänhusen is an’n 21. Juli 1972 billt worrn, as fief Liddmatengemenen tosammenslaten worrn sünd. Disse Gemenen sünd 1972 sülvst dör en Rebeetsreform ut vörmols 18 sülvststännige Gemenen billt worrn, de op de dormoligen Landkreisen Bronswiek, Grafschop Hoya un Veern verdeelt weern. An’n 1. November 2006 hebbt sik de Gemenen Thänhusen un Morsen to de ne’en Gemeen Thänhusen tosamenslaten, so dat de Samtgemeen siether blots noch veer Gemenen ümfaat.
[ännern] Politik
[ännern] Samtgemeenraat
De Thänhusener Samtgemeenraat besteiht vundaag ut 30 wählte Raatsliddmaten, de sik op 5 verscheedene Parteien un Wählergruppen verdeelt. De Samtgemeenbörgermeester is dorbi na de neddersass’schen Gemeenverorden en „boren“ Liddmaat. De letzte Kommunalwahl weer an’n 11. September 2011:
| Partei | 2011 | 2006 |
| CDU | 10 | 14 |
| SPD | 12 | 12 |
| Bündnis 90/De Grönen | 6 | 3 |
| FDP | 1 | 3 |
| UBL | 1 | – |
[ännern] Samtgemeenbörgermeester
De Samtgemeenbörgermeester is Gerd Schröder.
[ännern] Literatur
- Fritz Garvens: Samtgemeinde Thedinghausen. Rgv.: Heimatvereen vun de Samtgemeen Thänhusen e.V., Heimatvereen, Thänhusen 1998; ISBN 3-931699-03-X
- Fritz Garvens: Geschichten aus alter und neuer Zeit. Rgv.: Heimatvereen vun de Samtgemeen Thänhusen e.V., Heimatvereen, Thänhusen 1999; ISBN 3-931699-03-X
- Fritz Garvens: Kriegsende und Nachkriegszeit in unserer Zeit. Rgv.: Heimatvereen vun de Samtgemeen Thedinghausen e.V.. Heimatvereen, Thänhusen 2000; ISBN 3-931699-05-6
