Ritschermoor
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 21706 | |
| Vörwahl: | 04148 | |
| Geograafsche Laag: | Koordinaten:53° 40′ N, 9° 23′ O53° 40′ N, 9° 23′ O | |
|
| ||
Ritschermoor (hoochdüütsch Ritschermoor) is en Dörp in de Gemeen Drochters in’n Landkreis Stood, Neddersassen.
Geografie[ännern | Bornkood ännern]
Ritschermoor liggt in dat Kedener Moor. In’n Süden is dat Naturschuulrebeed Wille sien Heid, in’n Westen dat Waterkroger Moor.
De Naveröörd sünd Drochters un Ritsch in’n Noorden, Aßel in’n Noordoosten, Depenbeek in’n Oosten, Aßlermoor un Bützfletermoor in’n Süüdoosten, Groot-Steernbarg in’n Süden, Hammohermoor un Waterkroog in’n Süüdwesten, Engelschopp in’n Westen un Gauensiekermoor un Drochtersermoor in’n Noordwesten.
Historie[ännern | Bornkood ännern]
Ritschermoor is as Moorkolonie grünnt worrn.
De Oort hett vör 1852 to dat Grevengericht Freeborg tohöört un denn von 1852 bet 1885 to dat Amt Freeborg. Na 1885 weer dat in’n Kreis Keden. 1932 is dat Deel von’n Landkreis Stood worrn.
De Oort is an’n 1. Juli 1972 Deel von de Gemeen Drochters worrn.
Inwahnertall[ännern | Bornkood ännern]
| Johr | Inwahners |
|---|---|
| 1. Dezember 1871[1] | 250 Lüüd, 40 Hüüs |
Religion[ännern | Bornkood ännern]
Ritschermoor is evangeelsch-luthersch präägt un höört to dat Kaspel Aßel.
För de Kathoolschen is de Hillig-Geist-Kark in Stood tostännig.
Weertschop un Infrastruktur[ännern | Bornkood ännern]
In Ritschermoor hett de Kroog Peters Gasthuus legen. De Familie Peters hett de Weertschop 1921 övernahmen. Bet 2015 hett Hans-Willem Peters dat Gasthuus in drüdde Generatschoon föhrt. Nadem he doodbleven is, hett dat Gasthuus dichtmaakt.[2]
Verkehr[ännern | Bornkood ännern]
Dör Ritschermoor löppt de Kreisstraat 27, de in’n Noordwesten na Drochters geiht un in’n Süüdoosten na Stood. Von de K 27 geiht na Noordoosten de K 28 na Ritsch un na Süüdwesten de K 3 na Hammoh.
De nächste Autobahn is de Autobahn 26 (Afsnidd Stood–Hamborg). De Opfohrt 3 Stood-Oost liggt so 17 Kilometer in’n Süüdoosten von Ritschermoor.
In Tokumst schall wohrschienlich dat Autobahndreeeck Drochters in’n Noorden von Ritschermoor liggen, in dat sik de Autobahnen 20 un 26 drapen schöölt. De Autobahnen sünd aver all beid noch nich trech.
De nächste Bahnhoff is so bi acht Kilometer wied weg in’n Süden de Bahnhoff Hammoh an de Nedderelvbahn.
Scholen[ännern | Bornkood ännern]
De Kinner ut Ritschermoor gaht na de Grundschool Aßel.
Footnoten[ännern | Bornkood ännern]
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 137: https://books.google.de/books?id=qTZDAQAAMAAJ&pg=RA2-PA137
- ↑ Gasthaus in Ritschermoor geschlossen, Stader Tageblatt von’n 20. März 2015
