Ritsch
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | 650 | |
| Postleettall: | 21706 | |
| Vörwahl: | 04148 | |
| Geograafsche Laag: | Koordinaten:53° 42′ N, 9° 25′ O53° 42′ N, 9° 25′ O | |
|
| ||
Ritsch is en Dörp mit üm un bi 650 Inwahners in Keden in de Gemeen Drochters in’n Landkreis Stood, Neddersassen.
Geografie[ännern | Bornkood ännern]
Ritsch liggt op’t linke Över op’n Maschrand langs de Elv. Ritsch liggt an de Wischhobener Süderelv, de von den Elvsand Aßlersand von groten Stroom trennt is. Na Süüdwesten to slütt sik dat Kedener Moor an.
De Naveröörd sünd Aßel in’n Süüdoosten, Oßlermoor un Ritschermoor in’n Süden, Gauensiekermoor un Drochtersermoor in’n Süüdwesten, Aschhoorn in’n Westen un Drochters in’n Noordwesten.
Historie[ännern | Bornkood ännern]
1881 hett in Ritsch dat Klinkerwark Rusch apenmaakt, wat dunn een von mehr as 100 Tegeleen an de Nedderelv weer. Vondaag is dat de eenzige Tegelee, de in dat Dreeeck twischen Elv un Werser noch nableven is. De Tegels warrt noch in en Ringaven backt un de Tegelee büddt vondaag ok an, Besökers to wiesen, wo Tegels maakt warrt.
Inwahnertall[ännern | Bornkood ännern]
| Johr | Inwahners |
|---|---|
| 1824[1] | 65 Füürsteden |
| 1848[2] | 625 Lüüd, 98 Hüüs |
| 1858[3] | 608 |
Religion[ännern | Bornkood ännern]
Ritsch is evangeelsch-luthersch präägt un höört to dat Kaspel Aßel.
För de Kathoolschen is de Hillig-Geist-Kark in Stood tostännig.
Infrastruktur[ännern | Bornkood ännern]
Verkehr[ännern | Bornkood ännern]
Ritsch liggt an de Landsstraat 111, de in’n Süüdwesten na Bützfleet un Stood geiht un in’n Noordwesten na Drochters, Wischhoben un Freiborg löppt. Na Südwesten to löppt de Kreisstraat 28 na Ritschermoor. Na Noorden to is dat Dörp dör de Elv von’n Verkehr afsperrt.
Von 1899 bet 1933 harr dat Dörp ok en Bahnhoff an de Kedener Kreisbahn.
Na de aktuellen Plaans schall twischen Ritsch un Drochters de A 20 langslopen un denn as Tunnel ünner de Elv dörgahn. Twischen Ritsch un Ritschermoor schall denn dat Autobahndreeeck Drochters liggen, in dat sik de A 20 un de A 26 draapt.
Scholen[ännern | Bornkood ännern]
De Kinner gaht na Grundschool op de Grundschool Aßel un later veel na de Kooperative Gesamtschool Drochters oder op Gymnasium na de Vincent-Lübeck-School in Stood.
Lüüd[ännern | Bornkood ännern]
De Politiker Heinrich Wilckens is 1892 in Ritscherslüüs boren.
Literatur[ännern | Bornkood ännern]
- Helmut Ziegert: Drochtersen-Ritsch. Zur frühgeschichtlichen Besiedlung in Südkehdingen. Landkreis Stood, Stood 1992, ISBN 3-9802018-7-2
Footnoten[ännern | Bornkood ännern]
- ↑ C. H. Jansen: Statistisches Handbuch des Königreichs Hannover. 1824, Sied 522: http://books.google.de/books?id=tG0AAAAAcAAJ&pg=PA522
- ↑ Friedrich W. Harseim, C. Schlüter: Statistisches Handbuch für das Königreich Hannover. 1848, Sied 144: http://books.google.de/books?id=eOI-AAAAcAAJ&pg=PA144
- ↑ Franz Heinrich Ungewitter: Neueste Erdbeschreibung und Staatenkunde. 1858, Sied 419: http://books.google.de/books?id=ZkoNAQAAIAAJ&pg=PA419