Partido Africano da Independência de Cabo Verde

Vun Wikipedia
Wesseln na: Navigatschoon, Söök

Partido Africano da Independência de Cabo Verde (PAICV; op platt: Afrikaansche Partei för de Unafhangigkeit vun Kap Verde) is en politische Partei vun de Republiek Kap Verde.

Översicht[ännern | Bornkood ännern]

De PAICV is fröher en sozialistische Partei wesen, het tsik mit de Tiet aver in en sozialdemokraatsche Partei wannelt. Se sütt sik sülvst as afrikaansch orienteert, in’n Gegensatz to de neoliberale MpD. Gröttste Ünnerstüten kriggt de Partei in Rebeden, de mit dat afrikaansche Fastland to verglieken sünd. Dat sünd dicht bewahnte Öörd as de Hööftstadt Praia un in Rebeden de dör Bueree prägt sünd as Santa Cruz oder São Filipe.

De PAICV is Vullliddmaat vun de Sozialistischen Internatschonalen.

Historie[ännern | Bornkood ännern]

Amílcar Cabral mit de Flagg vun Guinea-Bissau in’n Achtergrund op en Breefmark vun de DDR

Vörganger vun de PAICV werr de PAIGC (Afrikaansche Partei för de Unafhangigkeit vun Guinea un Kap Verde), de 1956 vun den natschonalistischen Anföhrer Amílcar Cabral grünnt worrn is. De Vörlöper-Partei hett sik för’t Överwinnen vun’t portugeesche Weltriek insett un wull de Vereenigen vun Kap Verde mit Guinea-Bissau. Se hett ehr Kaders dorför bruukt, de sozialistische Revolutschoon uttolösen.

Siet 1961 hett de PAIGC in en Guerillakrieg in’n portugeeschen Kolonialkrieg kämpt – in Tosamenarbeit mit ehr Süsterparteien ut de CONCP-Grupp (Conferência das Organizacões Nacionalistas das Colónias Portuguesas). Siet 1973 hett de Partei Guinea-Bissau kontrolleert, un 1974 hett de „Nelkenrevolutschoon“ in Portugal dat portugeesche Kolonialriek praktisch oplöst. Dat Johr dorop is ok Kap Verde unafhangig worrn.

Na de natschonalen Unafhangigkeitskriegen hett de PAIGC ünner Cabrals Halfbroder Luís Cabral en sozialistischen Staat mit beide Rebeden opboet. In’t Johr 1980 geev dat aver en Militärputsch in Guinea-Bissau, de Luís Cabral afsetten de. Kap Verde hett sik denn afsplitt un de kapverdische Deel vun de Partei nöhm den hüütigen Parteinaam an. De Partido Africano da Independência de Cabo Verde hett ehr Regeer vun de Een-Parteien-Herrschop un den Staatssozialismus bibehollen, bit to’n Fall vun de Sowjetunion in’t Johr 1991.

Bi de eersten Parlamentswahlen na’t Inföhren vun’t Mehrparteiensystem is de PAICV 1991 vun de Movimento para a Democracia (MpD) aflöst worrn. Bi de Präsidentschopswahlen vun’n 11. un 25. Feberuar 2001 hett Pedro Verona Rodrigues Pires sien Gegner Carlos Veiga vun de MpD mit en lütten Vörsprung slahn.

Bi de letzten Parlamentswahlen, de an’n 22. Januar 2006 stattfunnen hebbt, hett de PAICV 52,28 % vun de Stimmen kregen un hett dormit en düütliche Mehrheit in de Natschonalversammlung vun Kap Verde. Bi de letzten Präsidentschopswahlen vun’n Februar 2006 hett sik Pedro Pires knapp gegen Carlos Veiga dörsett.

Weblenken[ännern | Bornkood ännern]