Santa Cruz (Distrikt)

Vun Wikipedia
Wesseln na: Navigatschoon, Söök
De Laag vun Santa Cruz

Santa Cruz is en Verwaltensrebeet (Concelho) vun’t Eiland Santiago in de Republiek Kap Verde. De Concelho ümfaat blots de een Karkengemeen Santiago Maior.

Geografie[ännern | Bornkood ännern]

Santa Cruz liggt an de middleren Oostküst vun’t Eiland un is mit 150 km² een vun de grötteren Concelhos. In dat Rebeet leevt ruchweg 33.000 Minschen. De Hööftstadt vun Santa Cruz is Pedra Badejo, de ok an de Küst liggt, ruchweg 40 km in’n Noordnoordwesten vun de Republiekhööftstadt Praia. De Gemeen Santa Cruz is över en grote Straat mit Tarrafal un Praia verbunnen, en wietere Straat föhrt na Picos un Assomada.

Sünners de Westen vun den concelho warrt vun Bargland bestimmt. In de Daal-Rebeden warrt de Lännereen veel för de Bueree bruukt, wiel de Bargen sülvst Grasland un Buschwark opwiesen deit. Fruchtbar Land finnt sik sünners in de Schuttfächers, de dör lütte Bargströöm ansammelt worrn sünd. Dor is de Bodden ok fuchtig.

Historie[ännern | Bornkood ännern]

De Gemeen Santa Cruz is 1971 tostannen kamen, as twee Karkengemenen vun den fröheren Concelho Praia afslpitt worrn sünd, de tosamen den ne’en Concelho billn. In’t Johr 2005 is de Gemeen noch mol ünnerdeelt worrn, un een vun de Karkengemenen weer denn de ne’e concelho São Lourenço dos Órgãos.

Weertschop[ännern | Bornkood ännern]

Vun den Minschen in de Gemeen arbeit ruchweg en Drüddel in Ackerbo, Veehtucht oder Forstweertschop. En wieter’t Arbeitsrebeet vun ünnerordent Bedüden sünd zivile Saken un de apentliche Verwalten. Dorto gifft dat en Plaan vun en Düütsche Keed, blangen den ollen Haven vun Pedra Badejo en ne’en to boen.

De Weertschop boet aver aör allem op de Landweertschop op. In de Gemeen warrt Göder tüügt, de op de grötteren Markten vun Praia, Assomada un dat Navereiland Fogo verköfft warrt. Lüttere Marktsteden gifft dat in São Lourenço dos Órgãos un Pedra Badejo, woneem de Göder vör allem dörtuuscht warrt. De Hännlers bringt jem vun dor wieter na de groten Markten. De Bueree produzeert vör allen Göder as Veehfudder (tyypscherwies in Form vun Mais) un Aaft as Bananen, Papayas un Kokosnütt. Vör 1981 hett dat Rebeet ok den gröttsten Andeel Mais för de Lüüd anboet, wat aver bannig torüchgahn is, siet in’n groten Rahmen dör internatschonale Help Levensmiddel leverst worrn sünd. De Anbo vun Levensmiddel hett sik dordör nich mehr lohnt. Man, jümmers noch sünd Mais un Grööntüüch de Hööftprodukten vun de Bueree, liekers dat 97 % dorvun vun de Lüüd sülvst opbruukt warrt.

In de drögen Tieten warrt de Weertschop vör allen vun landweertschoppliche Kooperativen in Gang hollen, de Steenmetzarbeiden, Discher- un Timmerarbeiten un annere Boarbeiten ünnerstütt vun de Behörden in Opdrag gifft.