Nordenham

Vun Wikipedia
Wesseln na: Navigatschoon, Söök
Wapen/Flagg Koort
Wapen vun Nordenham
Nordenham
Laag vun Nordenham in Düütschland
Basisdaten
Bundsland: Neddersassen
Kreis: Landkreis Wersermasch
Flach: 87,2 km²
Inwahners: 27.288 (November 2007)
Inwahnerdicht: 312,9 Inwahners pro km²
Hööchd: 3 m över de See
Postleettall: 26954
Vörwahl: 04731
Geograafsche Laag:
Koordinaten:53° 18′ N, 8° 17′ O
53° 18′ N, 8° 17′ O
Gemeenslötel: 03 4 61 007
Öörd in de Gemeen: 35 Stadtdelen
Börgermeester: Hans Francksen, SPD
Websteed: www.nordenham.de

Nordenham is ene sülvstännige Stadt in'n Landkreis Wersermasch (Neddersassen), hett Stadtrechten siet 1908. Mit ehre 28.000 Inwahners höört de Stadt tosamen mit de ingemeenten Naberdörpen Blexen un Abbehusen to de Landschup Butjadingen. Twee Inseln (Langlütjen I un II) höört ok to'n Stadtrebeet.

Geschichte[ännern | Bornkood ännern]

De Anfänge von Nordenham liggt in dat Wurtendorp Atens, dat al 1312 upnöömt woor. Hier leev um de Midde van dat 19. Johrhunnert de Stadtgrünner Wilhelm Müller as Koopmann. He broch den Noordüütschen Lloyd darto, den Nordenhamer Butengroden an de Wersermünn to köpen un dar ene Pier för dat Verladen von Fettveeh na England to boen. So entstund as Vörlöper von den hüdigen Haven de lütte "Ossenpier". Kort darna woor de Straat un de Isenbahn bit an de Pier ran boot.

Na de Jahrhunnertwenn siedel sik denn en Grootbedrief na'n annern up ene Längde van 10 km langs den Stroom an. An'n Anfang van'n Eersten Weltkrieg tell Nordenham ungefähr 8.000 Inwahners. Nordenham weer denn ene Stadt in't Land Ollnborg. 1933 keem de Gemeende Blexen darto, un de Inwahnertahl steeg van 15.500 bit to'n Tweeten Weltkrieg up 20.000. De grote Tostroom keem na den Krieg mit de Verdrevenen ut'n Oosten.

Wilhelm Müller

Weertschup[ännern | Bornkood ännern]

Industrie un Haven bestimmt den Charakter van de Stadt, de sik ungefähr 10 km an de Wersermünn langs treckt. Nordenham is de bedüdenste Haven von dat fröhere Land Ollnborg un höört vandagen na den Umslag to reken to de gröttsten Seehavens van de Bundsrepublik Düütschland. De Jahresumslag liggt twüschen 6 un 7 Milljonen Tunnen. Umslaan weert Koorn, Köhlen un Kooks, Ööl un Benzin, Phosphate, Arz, Mineralien un Stückgoot. As eerste Industriebedrief siedel sik 1899 dat Seekabelwark an. Darna kemen de Frerichs-Werft, de "Midgard" DSAG, de Metallwarke "Unterweser" un ene Superphosphatfabrik.

Enen ne'en Upswung geev dat, as 1935 up dat Gelänne van de fröhere Frerichs-Werft de bremsche "Weser-Flugzeugbaugesellschaft" as Reparaturbedrief för de Firmen Dornier Junkers, Arado un Heinkel inricht woor. De Upswung verwannel sik aver in enen Unnergang, wiel dat Wark en Rüstungsbedrief weer un 1945 slaten weern muss. En Deel van de dusend Fackarbeiders kreeg eerst wedder enen Job, as 1949 de Konzern Felten & Guilleaume enen Bedrief in de Hallen von "Weserflug "inrichten de. Eerst 1956 kunn de "Weser"-Flugzeugbau GmbH wedder siene Dore apen maken för de Montaasch van amerikaansche Heevschruvers. Vandagen arbeit dar 1800 Lüüd. Dat Wark is nu unner den Naam Airbus Deutschland bekannt un stellt de Rumpschalen för den Airbus her.

Politik[ännern | Bornkood ännern]

Börgermeester[ännern | Bornkood ännern]

Nordenham hett siet lange Tied so hoge SPD-Stimmenandelen as wenige annere düütsche Steder. Man bi de leste Wahl to'n Börgermeester in dat Johr 2003 hett Dr. Georg Raffetseder vun de CDU 59,47 % vun de Stimmen kregen. De Kannedaten Ulrich Münzburg vun de SPD un Frank-Rüdiger Halt (ohn Partei) hefft 36,91% un 3,6% afkregen. Raffetseder siene beiden Stellvertreders sünd Ulf Riegel un Angelika Zöllner, beide vun de SPD.

An'n 19. Juli 2007 hett dat Landgericht Ollnborg Dr. Georg Raffetseder to en Straaf vun 15 Maanden achter Trallen verordeelt. De Straaf is eerst mol för twee Johr utsett to Bewähren. He schall sik hebben smeren laten un ok versöcht hebben, anner Lüde ut to pressen. Dat Ordeel is noch nich in Kraft. Dr. Raffetseder hett dor bi den Bundsgerichtshoff Revischoon gegen inleggt. Al in'n April 2007 is de Börgermeester ut'n Amt nahmen wurrn. An'n 14. Oktober hett dat denn en Börgerentscheid geven un dor hefft se em mit 93,6 % vun de Stimmen (mitmaakt hefft 46 % vun de Wählers) afwählt. En neen Börgermeester schall an'n 27. Januar 2008 in en Wahl fastsett weern. [1].

Borns[ännern | Bornkood ännern]

  1. NWZ online: Artikel-Spezial Georg Raffetseder

Weblenken[ännern | Bornkood ännern]