Matthäusevangelium

Vun Wikipedia
Nieg Testament
Matthäus
Markus
Lukas
Johannes
Apostelgeschicht
Römer
1.Korinter
2.Korinter
Galater
Epheser
Philipper
Kolosser
1.Thessalonicher
2.Thessalonicher
Timotheus
Timotheus
Titus
Philemon
Hebräer
Jakobus
1.Petrus
2.Petrus
1.Johannes
2.Johannes
3.Johannes
Judas
Apenbaarn

Dat Evangelium nah Matthäus oder kört Matthäusevangelium is een vun de veer kanoonschen Evangelien vun dat Nee Testament. Formal wurrd dat traditschonell as eerst Book vun dat Nee Testament dorstellt un vun Form un Inholt her mit dat Markus- un Lukasevangelium to de synoptischen Evangelien tellt. Ümstreden is bither man, in welker tietlich Reegfolg dat to de steiht.

Schriever[ännern | Bornkood ännern]

De Engel as Symbol for den Evangelisten Matthäus, hier in de Bamberger Apokalypse

In de Schriften vun de Ole Karken (Papias, Irenäus, Tertullian, Origenes, Eusebius vun Cäsarea) heet dat ganz overeen, dat geev de veer Evangelien vun Matthäus, Markus, Lukas un Johannes. Wat Matthäus angeiht, is vun dat 2. Johrhunnert af an so lehrt wurrn:

Bovenhen warrt annahmen, Papias vun Hierapolis harr gor nich dat Evangelium meent, man den Born Q, as he vun Matthäus siene Logia snackt hett. Man is bit up düssen Dag jummers noch keen Text vun den Logienborn Q funnen wurrn. Vundeswegen is nich ganz klaar, of dat so en Born oberhoop geven hett.

Annere Theologen seht dat so, dat Papias siene Meenung anspelen deit up en eerste Form vun Matthäus sien Evangelium up Aramääsch (aramääsch Uur-Matthäus).[4]

Hebrääsche oder aramääsche Texte vun dat Evangelium sünd bit up düssen Dag to nargens funnen wurrn. Dat Evangelium, so, as wi dat kennt, is in Koine-Greeksch schreven wurrn.

Belege[ännern | Bornkood ännern]

  1. Encyclopedia Britannica: „Worraftig steiht in keen Book düütlicher fast, wer de Schriever ween is, as bi dat Book Matthäus. Dat geiht los mit Papias, Justin den Merteler, Irenäus, Tertullian, Tatian, Theophilus, Clemens un Origenes: Se laat dat allens mit een Stimm gellen.“ – Utgave vun 1913
  2. Eusebius vun Caesarea: Karkengeschicht. – 3. Studienutgave 1989 München, Siete 173 Afs 6
  3. Origenes: Kommentar to dat Evangelium nah Matthäus. Book I
  4. Papiasfragmente: „Matthäus hett de Logien also in hebrääsche Spraken tohopenstellt; Elkeen hett jem avers so goot oversett, as he dat man tostann broch“ Fragm. 5,16