Tweeborntheorie

Vun Wikipedia
Wesseln na: Navigatschoon, Söök

De Tweeborntheorie vun de Synoptischen Evangelien is in dat 19. Johrhunnert unner annern vun Christian Hermann Weisse (1838) un Heinrich Julius Holtzmann (1863) upstellt wurrn. Vundagen is se in de Literarkritik vun dat Nee Testament de Hypothese mit de meisten Anhängers. Se seggt, dat de Evangelisten Matthäus un Lukas för ehre Evangelien beide de lieken Borns bruukt harrn. Dat weer eenmal Markus sien Evangelium ween un denn noch en annern Born, den dat hüdigendags nich mehr gifft, man de vun de Wetenschop rutfunnen wurrn is. Dor hannelt sik dat um den so nömmten Born Q bi. Neven düsse beiden Borns harrn Matthäus un Lukas jedeen ok noch annere mündliche un schriftliche Borns bruukt, dat weer dat so nömmte Sunnergood.