Lütt Hund

Vun Wikipedia
Wesseln na: Navigatschoon, Söök
Daten to dat Steernbild Lütt Hund
Naam Lütt Hund
Latiensch Beteken Canis Minor
Latiensch Genitiv Canis Minoris
Latiensch Afkörten CMi
Laag op’n Himmelsäquater
Rektaszension 7h 6m bit 8h 11m
Deklinatschoon +13° 15´ bit -0° 20´
Flach 183 Quadratgrad
Woneem to sehn 89° Noord bit 77° Süüd
Wanneer to sehn
(in Düütschland)
Winter
Tall vun de Steerns
mit Magnitude < 3m
2
Hellste Steern,
Magnitude
α Canis Minoris (Prokyon),
0,4m
Meteorströöm
Naversteernbiller
(von Noord in’n
Klockenwiesensinn)
Tweeschen

Eenhoorn
Waterslang
Kreeft

Karte des Sternbildes Kleiner Hund

De Lütte Hund (lat. Canis Minor) is een vun de 88 modernen Steernbiller un liggt in de Neeg vun’n Himmelsäquater.

Utsehn[ännern | Bornkood ännern]

De Lütte Hund liggt süüdlich vun de opfällig Tweeschen un höört de lütteren Steernbillers. In’n Oosten vun dat Steernbild verlöppt de Melkstraat. De Hööftsteern vun den Lütten Hund is Prokyon, en opfällig hellen, meist witt lüchenden Steern. To sehn is dat Bild vör allen in’n Winter.

Historie[ännern | Bornkood ännern]

De Lütte Hund hett to de 48 Steernbiller vun de antiken greekschen Astronomie tellt, de al vun Ptolemäus beschreven worrn sünd. Vun de Greken weer de Lütte Hund as en Jagdhund ansehn, de den Boorhöder oder den Orion toordent weer.

Man, in de Antike weer dat Steernbild blots ut den hellsten Steern opboot, den Prokyon. De Naam hett in’t Ooltgreeksch de Bedüden „vör den Hund“. Disse Beteken betütt sik dorop, dat Prokyon kort vör den „Hundssteern“ Sirius opgeiht.

Objekten[ännern | Bornkood ännern]

Steerns[ännern | Bornkood ännern]

B F Naams o. annere Beteken Grött Lj Spektralklass
α 10 Prokyon, Antecanis, Al Shira, Elgomeisa 0,40m 11,4 F5 IV
β 3 Gomeisa, Algomeyla 2,89m 150 B8 V
γ 4 4,33m 200 K3 III
G 4,39m
6 4,55m
ε 2 4,99m
ζ 13 5,12m
η 5 5,22m
δ1 7 5,24m
11 5,25m
14 5,30m
1 5,37m
δ2 8 5,59m
δ3 9 5,24m

De drüddhellste Steern in’n Lütten Hund, γ Canis Minoris, is ruchweg 200 Lichtjohren wiet weg. Dat is en roden Resensteern vun de Spektralklass K3 mit en schienbor Helligkeit vun 4,33m.

Dubbelsteerns[ännern | Bornkood ännern]

System Grötten Afstand
α 0,40m/10,8m 2,2 bis 5,0
β
14 5,4m/7m8m 76/112"

Prokyon (α Canis Minoris) is mit en schienbor Helligkeit vun 0,40m de achthellste Steern an’n ganzen Himmel. Mit en Afstand vun 11,4 Lichtjohren tellt he to de neegsten Steerns vun uns Sünnsystem. Dat is man een Dubbelsteernsystem. De Hööftsteern strahlt in en witt Licht un tellt to de Spektralklass F5. He is sövenmol heller as uns Sünn un vun’n Dörmeter her dubbelt so groot, hett aver sünners blots ungefähr 50% mehr Masse. Dorbi kummt en lichtswacken witten Dwargsteern, de blots dubbelt so groot is as de Eer. Dat System is blots swor uteneen to hollen, wiel de Hööftsteern den lütten Dwarg överstrahlen deit.

De tweethellste Steern in’n Lütten Hund, β Canis Minoris, is mit 150 Lichtjohren düdlich wieter weg. Dat is en bläulichen, riesenhaftigen Dubbelsteern mit de Spektralklass B8. De Naam Gomeisa kummt ut de araabschen Spraak un heet so veel as „Fro mit den versleierten Blick“.

14 Canis Minoris is en Mehrfachsteernsystem, bi dat sik dree Steerns üm den gemeensomen Sworpunkt bewegt. Vun wegen den groten Winkelafstännen kann dat System ok al mit lüttere Teleskopen bekeken warrn.

Messier- un NGC-Objekten[ännern | Bornkood ännern]

In’n Lütten Hund gifft dat keen sünneren Objekten, de mit lütte oder middlere Teleskopen bekeken warrn künnt.