Prokyon

Vun Wikipedia
Prokyon
Positschoon un Beteken
Steernbild Canis minor; CMi
Rektaszension 7h39m18,10s
Deklinatschoon 5°13'30"
Annere Naams Elgomaisa, Algomeysa,
Antecanis
Bayer-Beteken α
Flamsteed-Tall 10
Bright-Star-Kataloog HR 2943
Henry-Draper-Kataloog HD 61421
SAO-Kataloog SAO 115756
Physikaalsch Parameter
Afstand 11,2 Lj
schienbore Helligkeit +0,38
Spektralklass F5
Sünnerheiten Dubbelsteern

Prokyon (vun’t gr.: προκύον „vör den Hund“; ok Elgomaisa, Algomeysa oder Antecanis nöömt) is de hellste Steern in’t Steernbild Lütt Hund. Dormit hett he ok de Bayer-Beteken α Canis minoris. De greeksche as ok de latiensche Naam heet vör den Hund, wat dorop hendüüt, dat Prokyon vör den „Hundssteern“ Sirius opgeiht. Prokyon warrt to dat Winter-Sösseck rekent un gliektietig ok to dat Winter-Dreeeck.

Physikaalsch Egenschoppen[ännern | Bornkood ännern]

Prokyon is ruchweg 11,2 Lichtjohren wiet vun de Sünn weg un tellt dormit to de sünnnöögsten Steerns. Jüst as Sirius is ok Prokyon en Dubbelsteern. De Hööftsteern warrt as Prokyon A betekent. Dat is en witt-gelen Hööftregensteern mit de Spektralklass F5 un en schienbor Helligkeit vun +0,38m. Vun’n Dörmeter liggt he bi 1,86 mol den Radius vun de Sünn un hett dorbi de annerthalffache Masse. Prokyon hett de 7,73-fache Lüchtkraft vun de Sünn. Dat Öller is üm un bi 1,7 Milliarden Johr.

De Bisteern hett de Beteken Prokyon B. Dat is en Witten Dwarg mit en schienbor Helligkeit vun +10,7m un de Spektralklass DA. De Ümlooptiet vun dat Dubbelsteernsystem liggt bi 40,82 Johren.

Prokyon is vun den Satelliten MOST utmeten worrn, wobi keen Oszillatschonen (Ännern vun de Helligkeit) nawiest warrn künnen. Disse Oszillatschonen schülln an sik bi so nöömte Steernbevens to meten wesen, de bi Prokyon vermoodt worrn weern.