Korlshöben

Vun Wikipedia
Wapen/Flagg Koort

Wapen vun Korlshöben

Korlshöben
Laag vun Korlshöben in Düütschland
Basisdaten
Bundsland: Neddersassen
Landkreis: Rodenborg
Gemeen: Gnarrenborg
Flach: 12,24 km²
Inwahners: 1.309 (2011-12-3131. Dezember 2011)
Inwahnerdicht: 106,9 Inwahners pro km²
Postleettall: 27442
Vörwahl: 04148
Geograafsche Laag:
Koordinaten:53° 21′ N, 9° 1′ O
53° 21′ N, 9° 1′ O
KuhsKuhstermoorGlinstFohrendörpKlenkendörpBrillitKorlshöbenLangenhusenGnarrenborgFindörp (Düvelsmoor)Barkhusen (Gnarrenborg)Augustendorp
Laag von Korlshöben in de Gemeen Gnarrenborg (Koort lett sik anklicken)

Karte

Korlshöben (hoochdüütsch Karlshöfen) is en Dörp in de Gemeen Gnarrenborg in’n Landkreis Rodenborg, Neddersassen. To den Oort höört ok de Oortsdelen Korlshöbenerbarg un Korlshöbenermoor to.

Geografie[ännern | Bornkood ännern]

Korlshöben liggt op en Geestrügg, de in’t Düvelsmoor stött.

De Naveröörd sünd Langenhusen, Gnarrenborg un Barkhusen in’n Noorden, Augussendörp in’n Noordoosten, Glinst in’n Oosten, Noordsood in’n Süüdwesten un Findörp in’n Westen.

Historie[ännern | Bornkood ännern]

De Naam Korlshöben schall wohrschienlich op de Tied na de Sassenkriegen trügggahn, as Korl de Grote hier en Hoff anleggt hett.

Op’n Korlshöbenerbarg hett 1857 en Glasfabriek apenmaakt, de Korlshütt. Vondaag is dat de Brilliantleuchten AG.

Verwaltungsgeschicht[ännern | Bornkood ännern]

De Oort weer bet in dat 19. Johrhunnert opdeelt twüschen dat Amt Bremervöör un dat Gericht Hanst. 1791 hebbt negen Hüüs to dat Gericht Hanst höört un veer to dat Amt Bremervöör. As dat Gericht Hanst 1823 oplööst worrn is, is de Oort kumplett Deel von dat Amt Bremervöör worrn. To’n 1. August 1832 is dat Dörp denn aver in dat Amt Zeven wesselt un hett dor denn to de Böörd Rhaar tohöört.[1] Na 1885 weer dat in’n Kreis Zeven. 1932 is dat Deel von’n Kreis Bremervöör worrn un 1977 von’n Landkreis Rodenborg.

An’n 8. April 1974 is Korlshöben bi de Gemeenreform in Neddersassen mit de Gemeen Gnarrenborg tohoopleggt worrn.

Inwahnertall[ännern | Bornkood ännern]

Johr Inwahners
1791-00-001791[2] 13 Füürsteden
1812-00-001812[3] 65
1824-00-001824[4] 17 Füürsteden
1848-00-001848[5] 182 Lüüd, 31 Hüüs
1871-12-011. Dezember 1871[6] 304 Lüüd, 44 Hüüs
1885-12-011. Dezember 1885[7] 433 Lüüd, 68 Hüüs
1905-12-011. Dezember 1905[8] 599 Lüüd, 113 Hüüs
1910-12-011. Dezember 1910[9] 643
1925-00-001925[10] 841
1933-00-001933[10] 830
1939-00-001939[10] 907
2005-12-3131. Dezember 2005 1.366
2008-12-3131. Dezember 2008 1.334
2011-12-3131. Dezember 2011[11] 1.309

Religion[ännern | Bornkood ännern]

Korlshöben is evangeelsch-luthersch präägt un höört to dat Kaspel Gnarrenborg. In dat 19. Johrhunnert hett de Oort noch to dat Kaspel von de Gallus-Kark in Rhaar höört.

För de Kathoolschen is de St.-Michaelskark in Bremervöör tostännig, de siet 1. September 2010 to de Karkengemeen Hillig Geist in Stood tohöört.

De Karkhoff von Korlshöben liggt an de Straat An de Kapell.

Oortsvörstänn[ännern | Bornkood ännern]

  • opstunns: Dieter Wellbrock

Wapen[ännern | Bornkood ännern]

Dat Wapen wiest op grönen Grund en sülvern Borg mit rode Däcker, de op en sülvern Schildfoot steiht. De Borg steiht för de Seeborg von de Familie von Issendörp, de hier fröher stahn hett.

Kultur[ännern | Bornkood ännern]

In de Ümgegend is Korlshöben vör allen ok bekannt dör sien Disko, den Dancing Club.

Verenen[ännern | Bornkood ännern]

De Schützenvereen Korshöbenermoor is 1951 grünnt worrn.

Weertschop un Infrastruktur[ännern | Bornkood ännern]

Wark von de Brilliant AG in Korlshöbenerbarg

Verkehr[ännern | Bornkood ännern]

Korlshöben liggt an de Landsstraat 122, de in’n Noorden na Gnarrenborg löppt un in’n Oosten na Glinst. Na Süden geiht de L 165 af, de na Worpsweed geiht.

De Oort hett ok en lütten Bahnhoff an de Moorexpress-Lien.

Bi Korlshöben gifft dat en lütten Flegerplatz mit en Lannbahn von 700 m, den Flegerplatz Korlshöben.

Scholen[ännern | Bornkood ännern]

Korlshöben hett en Kita un en Grundschool.

Literatur[ännern | Bornkood ännern]

Footnoten[ännern | Bornkood ännern]

  1. Christian Hermann Ebhardt: Gesetze, Verordnungen und Ausschreiben für das Königreich Hannover aus dem Zeitraume 1813 bis 1839. Jänecke, Hannover 1839, Band 2, Sied 65
  2. Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 46
  3. Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling, Ossenbrügge 1813, Sied 97
  4. Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 112
  5. Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 141
  6. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 170
  7. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 183
  8. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 194
  9. Inwahnertallen op gemeindeverzeichnis.de
  10. a b c Inwahnertallen op verwaltungsgeschichte.de
  11. http://www.gnarrenburg.de/default.cfm?mid=32756

Weblenken[ännern | Bornkood ännern]

Korlshöben. Mehr Biller, Videos oder Audiodateien to’t Thema gifft dat bi Wikimedia Commons.