Flegerplatz Korlshöben
| Flegerplatz Korlshöben | |||||||
|---|---|---|---|---|---|---|---|
 | |||||||
| ICAO-Kood: | EDWK | ||||||
| Hööchd: | 6 m över MSL | ||||||
| Laag: | Koordinaten:53° 20′ N, 9° 2′ O53° 20′ N, 9° 2′ O | ||||||
| apen maakt: | 1968 | ||||||
| Bedriever: | Aeroclub Elbe-Weser Karlshöfen e.V. | ||||||
| Bahnen: | |||||||
| |||||||
De Flegerplatz Korlshöben is en Flegerplatz in Korlshöben, Landkreis Rodenborg, Neddersassen, de en 700 Meter lange Lannbahn ut Asphalt hett.
1967/1968 hett de Koopmann R.F.L. Mehrwald ut Bremen dat Land, op dat de Flegerplatz anleggt worrn is, von’n Korlshöbener Buur Johannes Meyer köfft. Lüder Mehrwald hett in’n Im- un Export hannelt un wull nu vör allen mit Flegers un Ersatzdelen för Flegers hanneln. He weer Piper-Vertreder för Noorddüütschland, Bulgarien un Rumänien un hett sien Büro ok na’n Flegerplatz hen leggt. Dor is aver nich noog bi affullen un Mehrwald hett sik bilütten wedder ümstellt op den Hannel mit annere Woren, to’n Bispeel Ledderworen.
Den Flegerplatz hett he 1971 an’n Luftsportvereen Sportfliegerverein Karlshöfen e.V afgeven, de in dat sülve Johr grünnt worrn is. An’n 13. September 1975 hett de Vereen sien hüdigen Naam Aeroclub Elbe-Weser Karlshöfen e.V. kregen.
De Flegerplatz is as Sünnerlannplatz för Heevschruvers bet 5.700 kg, Flegers bet 2.000 kg, Sülvsstarter-Motoorseglers un Ultralichtflegers tolaten. De Flegerplatz warrt vör allen von Sportflegers bruukt, deelwies aver ok von de Bundswehr för Fallschermsprüng.
Weblenken[ännern | Bornkood ännern]
- Websteed von’n Flegerplatz (hoochdüütsch)