Kuhstermoor
| Wapen/Flagg | Koort | |
|---|---|---|
|
|
| |
| Basisdaten | ||
| Flach: | 3,94 km² | |
| Inwahners: | 224 (31. Dezember 2011) | |
| Inwahnerdicht: | 56,9 Inwahners pro km² | |
| Hööchd: | 3 m över de See | |
| Postleettall: | 27442 | |
| Vörwahl: | 04763 | |
| Geograafsche Laag: | Koordinaten:53° 21′ N, 8° 58′ O53° 21′ N, 8° 58′ O | |
| Websteed: | http://www.kuhstedtermoor.de/ | |
 | ||
|
| ||
Kuhstermoor (hoochdüütsch Kuhstedtermoor) is en Dörp mit üm un bi 220 Inwahners in de Gemeen Gnarrenborg, in’n Landkreis Rodenborg, Neddersassen. De Oort liggt in’t Düvelsmoor.
Geografie[ännern | Bornkood ännern]
De Naveröörd sünd Kuhs un Gnarrenborg in’n Noorden, Korlshöben in’n Oosten, Oostersood in’n Süden un Ahrensdörp un Giehlermoor in’n Süüdwesten.
Historie[ännern | Bornkood ännern]
De Oort liggt as Moorkolonie in’t Düvelsmoor, dat na 1750 ünner Jürgen Christian Findörp bilütten dröögleggt worrn is. Kuhstermoor sülvs is eerst 1850 as Nee-Kuhstermoor grünnt un 1857 en egen Gemeen worrn. De eerste Börgermeester weer Jürgen Tietjen. De Naam is 1866 von Nee-Kuhstermoor op Kuhstermoor ännert worrn. De Lüüd hebbt vör allen von’n Afbo von Törf, de över den Hamm-Oost-Kanaal na Bremen bröcht un verköfft worrn is, un von de Bueree leevt.
Kuhs is 1973 bi de Gemeenreform in Neddersassen mit de Gemeen Gnarrenborg tohoopleggt worrn.
Inwahnertall[ännern | Bornkood ännern]
| Johr | Inwahners |
|---|---|
| 1. Dezember 1910[1] | 265 |
| 1925[2] | 259 |
| 1933[2] | 223 |
| 1939[2] | 234 |
| 31. Dezember 2008 | 234 |
| 31. Dezember 2011[3] | 224 |
Religion[ännern | Bornkood ännern]
Kuhs is evangeelsch-luthersch präägt un höört to dat Kaspel Kuhs.
För de Kathoolschen is de St.-Michaelskark in Bremervöör tostännig, de siet 1. September 2010 to de Karkengemeen Hillig Geist in Stood tohöört.
Wapen[ännern | Bornkood ännern]
Dat Wapen wiest op gollen Grund in’n Schildfoot swart-sülverne Wellen un dor op en swarten Törfkahn. Dat steiht för den olen Törfhannel mit Bremen.
Kultur[ännern | Bornkood ännern]
Verenen[ännern | Bornkood ännern]
De Schützenvereen is 1921 grünnt worrn. De Heimatvereen De Treidlers von Kuhstermoor hett sik 1992 grünnt un von 1999 af an en Dörpmuseum opboot.
Weertschop un Infrastruktur[ännern | Bornkood ännern]
De Freewillige Füürwehr is 1944 grünnt worrn.
Verkehr[ännern | Bornkood ännern]
Kuhstermoor liggt an de Kreisstraat 102, de in’n Noordoosten an de Landsstraat 122 rangeiht un in’n Süden an de Landsstraat 165. Lüttjere Straten gaht na Kuhs un Giehlermoor.
Scholen[ännern | Bornkood ännern]
Kuhstermoor harr bet 1970 en egen Volksschool. De School hett denn dichtmaakt un nu gaht de Kinners na de Grundschool Kuhs.
Footnoten[ännern | Bornkood ännern]
- ↑ http://www.gemeindeverzeichnis.de/gem1900/gem1900.htm?hannover/bremervoerde.htm
- ↑ a b c http://www.verwaltungsgeschichte.de/bremervoerde.html
- ↑ http://www.gnarrenburg.de/default.cfm?mid=32759
Weblenken[ännern | Bornkood ännern]
- Websteed to dat Dörp (hoochdüütsch)
- Heimatvereen De Treidlers von Kuhstermoor (hoochdüütsch)
Augustendorp | Barkhusen | Brillit | Findörp | Fohrendörp | Glinst | Gnarrenborg | Klenkendörp | Korlshöben | Kuhs | Kuhstermoor | Langenhusen