Jan Fedder
Jan Fedder (* 14. Januar 1955 in Hamborg) is en düütschen Schauspeler.
Upwussen is he as Söhn van en Kneipenbesitter un en Danzdeern up St. Pauli. Ok wenn sien Öllern uppasst hebbt, dat he nich in slecht Sellschopp keem, harr he af un an ok mit de Polizei to doon.
Mit 10 Johr is he mit Schauspeelünnericht anfungen un hett up Theater-Böhnen aber ok in Films mitspeelt. Eegentlich hett he Speditschoonskoopmann lehrt, aber nie in disse Beruf arbeit. He leevt up en Buernhoff in Sleswig-Holsteen, wor he oll Autos, Treckers un sowat sammelt.
Sien eerste grote Filmrull weer in de Film Das Boot, wor he Pilgrim spelen de. Siet 1990 is he bi de Fernsehserie Großstadtrevier de Polizist Dirk Mathies. Dormit is he in Noorddüütschland düchtig bekannt wurrn. Bi de Serie Nües ut Büttenwarder speelt he ok noch de Figur Kurt Brakelmann, de anner Hööftrull spölt Peter-Heinrich Brix as Arthur Tönsen. As "Sympathiedreegers för Plattdüütsch" ward de beiden Schauspelers in't Johr 2010 mit den Literaturpries vun de Stadt Kappeln uttekent.[1] Brix speelt bobento bi’t Großstadtrevier mit.
Nebenbi singt Fedder noch bi de Grupp Big Balls un he weer ok al Synchroonsnacker.
Filmografie (Utwahl) [ännern]
| Johr | Titel |
|---|---|
| 1980 | Geteilte Freude, Feernsehn |
| 1981 | Das Boot |
| 1984 | Der Sohn des Bullen |
| 1984 | Keine Zeit für Tränen – Der Fall Bachmeier |
| 1987 | Jacob hinter der blauen Tür |
| 1988 | Der Experte |
| 1989 | Singles, Feernsehn |
| 1990 | Werner – Beinhart!, Stimm |
| 1993 | Verlassen Sie bitte Ihren Mann! |
| 1999 | Der Hochstapler, Feernsehn |
| 2006 | Der Mann im Strom, Feernsehn |
| 2008 | Insel des Lichts, Feernsehn |
| 2008 | Das Feuerschiff, Feernsehn |
| 2008 | U-900 |
| 1997-2009 | Nües ut Büttenwarder, Feernsehreeg |
| 2009 | Meine Tochter und der Millionär, Feernsehn |
| 2009 | Soul Kitchen |
| 1987- | Großstadtrevier, Feernsehreeg |
Weblenken [ännern]
- Jan Fedder in de Internet Movie Database
- Jan Fedder in de Düütschen Synchroonkartei
