Jürgen Prochnow

Vun Wikipedia
Wesseln na: Navigatschoon, Söök
Jürgen Prochnow bi de Berlinale 2009

Jürgen Prochnow (* 10. Juni 1941 in Berlin) is en düütschen Theater-, Film- un Feernsehschauspeler. He is een vun de wenigen düütschen Schauspelers, de ok jümmer wedder mol in Hollywood-Filmen mispeelt hett. Siet 2003 hett he tosätzlich de US-amerikaansche Staatsbörgerschop.

Leven un Wark[ännern | Bornkood ännern]

Utbilln un Theater[ännern | Bornkood ännern]

Prochnow is de Söhn vun en Feernmell-Ingenieur. Opwassen is he in Düsseldörp, woneem sien Familie 1952 hentogen is. He hett dor dat Jacobi-Gymnasium besöcht un al wiel sien Schooltiet in Laientheater-Gruppen mitmaakt. As sien Öllern dat wullen, hett Prochnow toeerst en Utbilln to’n Bankkoopmann maakt. Blangento hett he as Statist un as Belüchter an Düsseldörper Schauspeelhuus arbeit. Na’n Afsluss vun sien Lehr is he vun 1963 bit 1966 an de Folkwang Hoochschool wesen, woneem he Schauspeleree studeert hett.

Sien eerst Engagement harr Prochnow an de Stäädtschen Bühnen Ossenbrügge. Dorna speel he vun 1968 bit 1970 an’t Theater Aaken, 1971 an’t Theater vun de Stadt Heidelberg un dorna bit 1976 an’t Schauspeelhuus Baukem, as Peter Zadek dor Intendant weer. In de Johren dorna weer he as free arbeiten Künstler ünnerwegens un harr Gastoptreden an verschedene Bühnen.

Film un Feernsehn[ännern | Bornkood ännern]

Siet de 1970er Johren weer Prochnow fakener in’t Feernsehn to sehn. Sien eerste Rull harr he in Der Unternehmer. Een Johr later harr he in Zoff vun Eberhard Pieper sien eerste Filmrull. 1973 harr he en Optritt in en Tatort-Episood, bi de Wolfgang Petersen Speelbaas weer. Dat glieke Johr speel he ok in Petersen sien Kinofilm Einer von uns beiden mit. En wietere Tosamenarbeit mit Petersen keem 1977, as Prochnow in den Schandaalfilm Die Konsequenz en Schwulen speelt hett.

Sien internatschonalen Dörbrook harr Prochnow 1981 mit sien Hööftrull in Petersen sien Film Das Boot, in den he den Kummandant vun en U-Boot in’n Tweeten Weltkrieg speelt hett. Wietere Hollywood-Rullen hebbt sik anslaten, as to’n Bispeel 1984 in David Lynch sien Dune oder 1987 in Beverly Hills Cop II. 1993 speel he blangen Madonna in den Erotik-Thriller Body of Evidence. In den Film Air Force One hett he noch mol wedder ünner Wolfgang Petersen sien Regie arbeit.

Butendem hett Prochnow 1996 in Filmsequenzen vun dat Science-Fiction-Reeknerspeel Wing Commander Privateer 2 – The Darkening speelt un weer af un to ok Synchroonsnacker för Sylvester Stallone. Prochnow bedeeligt sik ok an’t Rilke-Projekt. In de achten Staffel vun de Feernsehreeg 24 hett he de Rull as Baas vun en oosteuropääsche Verbrekerbande.

Privatleven[ännern | Bornkood ännern]

Anfang vun de 1980er Johren weer Prochnow mit de öösterriekschen Schauspelersche Antonia Reininghaus tosamen. Mit ehr harr he sien Dochter Johanna, de 1987 vun Reininghaus vergift worrn is.[1][2] Vun 1982 bit 1997 weer Prochnow mit Isabel Goslar verheiraat. Se hebbt tosamen twee Kinner. 2004 hett he noch mol heiraat, neemlich de Schauspelersche un Speelbaas’sche Birgit Stein.

Prochnow leevt in Los Angeles un München. Sien Brorder Dieter Prochnow arbeit ok as Schauspeler.

Filmografie (Utwahl)[ännern | Bornkood ännern]

Johr Titel
1970 Unternehmer, Feernsehn
1972 Zoff
1974 Die Verrohung des Franz Blum
1974 Einer von uns beiden
1975 Die verlorene Ehre der Katharina Blum
1977 Die Konsequenz
1977 Operation Ganymed
1980 So weit das Auge reicht
1981 Das Boot
1983 The Keep
dt.: Die unheimliche Macht
1984 Dune
dt.: Der Wüstenplanet
1985 Der Bulle & das Mädchen
1987 Des Teufels Paradies
1987 Beverly Hills Cop II
1988 The Seventh Sign
dt.: Das Siebte Zeichen
1990 The Fourth War
dt.: Powerplay
1990 Der Skipper
1992 Hurricane Smith
1993 Interceptor
dt.: F-117 – A Stealth-War
1993 Die Wildnis
1994 Trigger Fast
1994 In the Mouth of Madness
dt.: Die Mächte des Wahnsinns
1995 Judge Dredd
1996 The English Patient
dt.: Der englische Patient
1997 Air Force One
1998 The Replacement Killers
dt.: The Replacement Killers – Die Ersatzkiller
1999 Wing Commander
2000 Gunblast Vodka
dt.: Gunblast Vodka – Der unheimliche Killer
2000 The Last Stop
2001 Dark Asylum
2001 The Elite
dt.: Codename – Elite
2002 Heart of America
2003 Baltic Storm
2006 The Da Vinci Code
dt.: The Da Vinci Code – Sakrileg
2006 Beerfest
dt.: Bierfest
2007 Primeval
dt.: Die Fährte des Grauens
2008 La conjura de El Escorial
2010 24, Feernsehreeg
2010 Sinners and Saints
2010 Amigo – Bei Ankunft Tod, Feernsehn
2012 Die Schuld der Erben, Feernsehn

Utteken[ännern | Bornkood ännern]

Prochnow hett für sien Schauspeleree mehrere Priesen kregen, dorünner ok internatschonal Filmpriesen:

Literatur[ännern | Bornkood ännern]

  • Helmut Sorge: Ab nach Amerika! – Ausgewanderte erzählen. Collection Rolf Heyne 2009, ISBN 978-3-89910-438-7.

Borns[ännern | Bornkood ännern]

  1. Jürgen Prochnow op Moviepilot
  2. „Die arme Millionärs-Tochter“

Weblenken[ännern | Bornkood ännern]

Commons-logo.svg Jürgen Prochnow. Mehr Biller, Videos oder Audiodateien to’t Thema gifft dat bi Wikimedia Commons.