Im Juli.

Vun Wikipedia
(wiederwiest vun Im Juli)
Wesseln na: Navigatschoon, Söök
Filmdaten
Plattdüütsch Titel:
Originaltitel: Im Juli
Düütsch Titel: Im Juli
Produkschoonsland: Düütschland
Johr vun’t Rutkamen: 2000
Läng: 95 Minuten
Originalspraak: Düütsch
Öllersfreegaav in Düütschland: FSK 12
Filmkru
Speelbaas: Fatih Akın
Dreihbook: Fatih Akın
Produkschoon: Stefan Schubert,
Ralph Schwingel
Musik: Alex Menck,
Ulrich Kodjo Wendt
Kamera: Pierre Aïm
Snitt: Andrew Bird
Dorstellers

Im Juli. (op Platt so veel as „In’n Juli“)i s de Titel vun en düütsch Roadmovie ut dat Johr 2000. Speelbaas weer de düütsch-töörksche Fatih Akın, de ok sülvst dat Dreihbook schreven hett. In de Hööftrullen speelt Moritz Bleibtreu un Christiane Paul.

Inholt[ännern | Bornkood ännern]

Daniel Bannier is en jungen Referendar, an den dat wohre Leven en beten vörbilopen deit un de ’n beten wat weltfrömd is. To Anfang vun de Sommerferien dröpt he de Smuckverköpersche Juli, de sik in em verkeken hett un em en Maya-Ring mit en Sünnteken ansnacken deit. Se vertellt em, dat de Ring em Glück bringt, un em to de Fro vun sien Leven föhren deit - de he an en Sünn an de Kledaasch kennen warrt. Gliektietig gifft se em en Inladung to en Party, woneem se em drapen will un natürlich sülvst en Kleed mit en Sünn dorop to drägen vörhett.

Neeschierig noog is Daniel un geiht dor wohrhaftig hen. Dor dröpt he tofallig Melek, de en grode Sünn op ehr T-Shirt hett. Daniel is nu dorvun övertüügt, dat Melek de Fro is, de de Ring em wiesen schüll. Se kaamt in’n Klöönsnack. Melek is blots op de Dörreis un söcht en Steed, woneem se slapen kann. Daniel nimmt ehr för de Nacht bi sik op un bringt ehr an’n nächsten Dag na’n Flaaghaven.

Jüst as Daniel mit Melek vun de Party weggeiht, kummt Juli un sütt em blots noch weggahn. Daalslahn vun de Geschicht Will se utrieten ut de Stadt un stellt sik an’n nächsten Dag as Anholler an de Autobahn, üm ennerworrns hentoföhren.

As de Tofall dat so will, is dat jüst Daniel, de as eerste anholt. He hett sik in de Twüschentiet överleggt, Melek achteran to föhren un will nu na Istanbul. Na’n beten Tögern stiggt Juli in dat schrottige Auto in, dat Daniel sik leht hett un beslutt mit Daniel na Istanbul to föhren. Dweer dör Oosteuropa.

Se beleevt gemeensom een, twee Daag, man denn verleert se sik ünnerwegens un Daniel markt gau, wo he Juli missen deit. Un dat üm so mehr, as he vun een Last in de nächste schliddern deit. Jüst so tofallig as bi’t eerste mol finnt he Juli wedder un de Reis geiht wieter. Liekers hett he jümmer noch dat Teel Melek wedder to finnen un markt nich, dat Juli villicht de Fro is, de he egentlich söcht. Juli gifft op un lett Daniel alleen wieterreisen. Eerst an’n Enn na veel Kuddelmuddel drapt se sik weer, un Daniel warrt klor, dat he egentlich Juli leef hett, un de Geschicht finnt to en goot Enn.

Kritiken[ännern | Bornkood ännern]

  • Film-deenst (17/2000): Ereignisreiche, ausgesprochen unterhaltsame Mischung aus Road Movie und Liebeskomödie mit prägnanten darstellerischen Leistungen und einem ebenso reizvollen wie spielerisch-souveränen Einsatz explizit filmischer Mittel.
  • Videowoche: Romantisch-spritziges Road Movie. Angelegt als klassische Verwechslungskomödie, entwickelt sich die Story zwar in altbewährter Manier, überrascht dabei jedoch immer wieder mit unerwarteten Wendungen und witzigen Action-Sequenzen.
  • Cinema: Ein kleiner Film mit großem Gefühl – so schön und aufregend wie die Liebe.

Anners wat[ännern | Bornkood ännern]

  • De Film fangt mit en Szeen mit en Sünndüsternis an. Dat sünd Opnahmen vun de Sünndüsternis, de 1999 in Düütschland so sehn weer.
  • De Deel vun’n Film, in den Juli un Daniel dör Rumänien föhren doot, warrt blots in en Reeg vun Fotoopnahmen wiest. De Filmkru harr in Rumäniem neemlich keen Verlööfnis to’n Dreihn kregen.
  • Selim Özdoğan hett en Roman Im Juli schreven, in den de Inholt vun den Film ut de Sichtwies vun Juli vertellt warrt. Op disse Wies warrt ehr Geföhlen un Ansichten düütlicher un de Leser kann so ok de Szenen mitbeleven, in de de beiden in’n Film splitt sünd.

Utteken[ännern | Bornkood ännern]

De Film is mit veer Filmpriesen uttekent worrn:

  • 2001: mit den Düütschen Filmpries in de Kategorie Best Dorsteller för Moritz Bleibtreu.
  • 2001: mit den Tokiekerpries vun’t Tromsø International Film Festival in de Kategorie Beste Speelbaas för Fatih Akın.
  • 2001: mit den Jupiter in de Kategorie Beste düütsche Speelbaas för Fatih Akın.
  • 2001: mit den Jupiter in de Kategorie Beste düütsche Dorsteller för Moritz Bleibtreu.

Weblenken[ännern | Bornkood ännern]