İdil Üner

Vun Wikipedia

İdil Üner (* 1. August 1971 in Berlin) is en törksch-düütsche Schauspelersche un Singersche, de butendem ok Acht op sik togen hett mit ehr Arbeit as Speelbaas vun en uttekenten Kortfilm.

Üner hett in Berlin de Schauspeelschool vun de Hoochschool vun de Künst besöcht. Ehr eerste Mitarbeit in en Film weer 1994 in en Tatort-Episood un in den Kinofilm Das Geheimnis vun Rudolf Thome. Bekannt worrn is se vör allen dör ehr Arbeiten mit düütsch-törkschen Speelbasen as Fatih Akın un Thomas Arslan, sünners mit ehr Hööftrullen in Dealer (1999) un Im Juli. (2000).

In’t Johr 2001 hett Üner as Speelbaas den föffteihn minüütigen Kortfilm Die Liebenden vom Hotel von Osman dreiht. Dorto hett se sülvst dat Dreihbook schreven un is för dit Wark ok mit Priesen uttekent worrn. De Film weer ok bi’t Max Ophüls Festival as besten Kortfilm nomineert.

De Schauspelersche maakt bito ok Inszeneeren an’t törksche Theater Tiyatrom in Berlin. As Singersche is se ok al fakener in Filmen to sehn wesen, as to’n Bispeel 2004 in Gegen die Wand.

Üner is verheiraadt un hett twee Döchter. Se leevt in Berlin-Schöneberg.

Filmografie (Utwahl)[ännern | Bornkood ännern]

Johr Titel
1995 Das Geheimnis
1998 Kurz und schmerzlos
1999 Dealer
2000 Zwei Mädels auf Mallorca – Die heißeste Nacht des Jahres, Feernsehn
2000 Im Juli.
2001 Die Liebenden vom Hotel Osman, Kortfilm
2001 Verliebte Jungs, Feernsehn
2003 Schwer verknallt, Feernsehn
2004 Urban Guerillas
2004 Saniyes Lust, Feernsehn
2006 Verschleppt – Kein Weg zurück, Feernsehn
2008 Evet, Ich will!
2009 Zweiohrküken
2008-10 KDD – Kriminaldauerdienst, Feernsehfolgen
2013 Der große Schwindel, Feernsehn
2013 Einmal Hans mit scharfer Soße
2015 Die Neue, Feernsehn
2015-16 Sibel & Max, Feernsehreeg
2008-16 Mordkommission Istanbul, Feernsehfolgen
2017 Katie Fforde: Herzenssache, Feernsehn
2017 Eine Braut kommt selten allein, Feernsehn

Filmpriesen[ännern | Bornkood ännern]

İdil Üner hett bit hüüt (April 2015) dree Filmpriesen kregen un weer för twee wietere nomineert. Wunnen hett se:

Weblenken[ännern | Bornkood ännern]