Höxter

Vun Wikipedia
Wesseln na: Navigatschoon, Söök
Wapen/Flagg Koort
Wapen vun Höxter
Höxter
Laag vun Höxter in Düütschland
Basisdaten
Bundsland: Noordrhien-Westfalen
Regeernsbezirk: Deppelt
Kreis: Höxter
Flach: 157,89 km²
Inwahners: 32.385 (2006-12-011. Dezember 2006)
Inwahnerdicht: 205,1 Inwahners pro km²
Hööchd: 96 m över de See
Postleettall: 37651–37671
Vörwahl: 05271, 05531 (Stahle), 05275 (Ottbergen), 05277 (Fürstenau), 05278 (Ovenhausen)
Geograafsche Laag:
Koordinaten:51° 28′ N, 9° 13′ O
51° 28′ N, 9° 13′ O
Gemeenslötel: 05 7 62 020
Öörd in de Gemeen: 13 Stadtdelen
Börgermeester: Hermann Hecker (CDU)
Websteed: www.hoexter.de

Höxter is ene Stadt mit över 30.000 Inwahners in't Werserbarglann an de Werser. Höxter liggt in Ostwestfalen in Noordrhien-Westfalen.

Historie[ännern | Bornkood ännern]

Corvey un Höxter[ännern | Bornkood ännern]

As Ludwig de Fromme dat Klooster Corvey an de Werser in dat Johr 822 grünnen dö, geev he Höxter an dat Klooster. Dat Klooster in Corvey weer weer bet 1803 de Seet vun en religiösen Staat in't Hillige Röömsche Riek vun de Düütsche Natschoon. 100 Johr lang weer Corvey de eenzige Stäe in dat Land vun de Sassen, wo een studeern kunn. Ansgar, de later Bischop vun Hamborg un Bremen weer un dat Christendom na Skandinavien broch, güng hier na School. Hrabanus Maurus, de Schriever vun Enzyklopädien un ok Arzbischop vun Mainz mit den Titel Praeceptor Germaniae, wat Lehrmeester vun Düütschland heet, weer hie ook an de School aktiv. Veel later is Hoffmann von Fallersleben Bibliothekar in de Klosterbibliothek ween. Hüdigendags sitt dor en germanistisch Institut vun de Patterbuorner Universität in. De Bibliothek hett över 60.000 Böker un ene vun de gröttste Sammlungen vun engelsche Literatur in Düütschland. Dat Westwark vun de ehemaalsche Kloosterkark is dat öllste Buwark ut dat Middelöller in Westfalen. Dat Buwark worr noh de Dörtigjohrig Krieg wedder upbut. Dat keem 1740 to Enn. Vandage hört dat Slott de Hartöög vun Ratibor, de ook Försten vun Corvey sünd. De Schrieverin Agnes Miegel ut Oostpreußen schreev över Corvey: Würde mich jemand fragen, was er sehen müßte im Weserland, wenn ihm nur ein einziger Tag dafür bliebe, so würde ich ihn nach Corvey führen.

Historie vun de Stadt Höxter[ännern | Bornkood ännern]

Fackwark an dat Huus Litto, Marktstraat 13

1250 kreeg Höxter de Stadtrechten. Vun 1295 af an höör de Stadt to de Hanse mit to. Dat Raathuus vun Höxter worr 1613 in de Werserrenaissance but. In't Tillyhuus vun 1598 weer woll in de Dörtigjohrig Krieg de Feldherr Tilly. De dörtigjohrig Krieg weer de gröttste Katastrophe in de Historie vun de Stadt. Kunsthistorisch vun Bedütung is ook de Dechanei vun 1561. Dat öllste Buwark, wat vandage noch ganz steiht is de Kark St. Kiliani. En gotisch Kunstwark is de Marienkark. In't 17. Johrhunnert weer Höxter 100 % luthersch, män siet lang sün hie mier katholsche denn evangeelsche Inwahners. Vandage is Höxter ene vun de Steden vun de Fackhoogschool Lippe un Höxter. In de Söden vun Höxter is de Cheruskerweg. In Höxter löpen dree Beken dor de Stadt. Ene anner Kreisstadt bi Höxter is Holtsminne in Neddersassen. Op de anner Siet vun de Werser is de Solling. De längste Stedenpartnerschaft vun Höxter is mit Corbie in de Picardie in Nordfrankriek, wat de Nam Corvey gäwen hett. De anner Städer in'n Kreis, wo dat kene Darpgemeenten gifft, sün Bad Driburg, Beverungen, Borgentreich, Brakel, Marienmünster, Nieheim, Steinheim, Warburg un Willebadessen. Wilhelm Raabe hett in sien Roman Höxter und Corvey över de Öörd Höxter un Corvey schrewen.

Höxter is as ok veele anner Steden in'n Kreis in de Niege Hanse. De ehemaalige SPD-Liddmaat vun de Bunnsdag Wolf-Michael Catenhusen un Thomas von Heesen, de Speler, Trainer un Manager vun DSC Arminia Bielefeld ween is, stammt ut Höxter.