Hanse

Vun Wikipedia
Wesseln na: Navigatschoon, Söök
Stadt Lübeck anno 1900

De Hanse (latiniseert:Hansa, egentlich: Schar) weer een Tohaupsluten toeerst vun Kooplü, denn ok vun Steden. De Tiet vun de Hanse is de Hansetiet.

All in’t 11. Johrhunnert hebbt sik Kooplü to Hansen tohaupsluten, dat weern de Kooplü-Hansen. Dat weer, vun wegen dat dor veel Rövers weern, to Lann un ok op de See.

De Hannel vun de Hanse güng tomeest över de See. Dorför harr sik en egen Schippsaart rutsuert, de Hansekogge. De kunn mehr drägen as de olen openen Knorrs, un harr ok al en Deck, en grötter Seil un en Kraiennest. Later is denn ut de Kogge de Hulk entwickelt woorn.

Anno 1269 hebbt sik denn de Steden Lübeck, Wismer un Rostock tohaupsluten, dat se de Seerövers beter in'n Greep kriegen schulln. Anno 1293 sünd dor ok anner Steden tokomen, so as Stettin, Stralsund un Griepswol.

Hansesteden weern to’n Bispeel

Kuntoren in’t Utland weern Visby up Gotland, dat Huus van de Osterlinge in Brügge, de Stahlhoff in London, de Tyske Brügge in Bergen un de Petershoff in Nowgorod. De wichtigsten Hansestäder in Düütschland weern Lübeck, Köln, Bruunswiek un Danzig

Ahnen den Schutz dör en starket düütschet Riek kunn de Hanse gegen de nedderlandsche und engelsche Flott nich standhooln un verfull so in den Dartigjährigen Krieg. De Hansestäder Bremen, Hamborg un Lübeck sloten 1630 enen engeren Bund un so kunnen de Naam un dat Arv rett weern. De Bewahners van de olen Hansestäden weert vandaag noch Hanseaten nöömt.

Weblenken[ännern | Bornkood ännern]

Commons-logo.svg Hanse. Mehr Biller, Videos oder Audiodateien to’t Thema gifft dat bi Wikimedia Commons.