Felice Gimondi

Vun Wikipedia
Wesseln na: Navigatschoon, Söök

Felice Gimondi (* 29. September 1942 in Sedrina bi Bergamo) is en ehmalger italiensch Radrennfohrer. He is bit hüdtodag een vun veer Radprofis, de all dree grote Rundfohrten wunnen hett (Frankriek-Rundfohrt, Italien-Rundfohrt un Spanien-Rundfohrt).

Karriere[ännern | Bornkood ännern]

He harr as Amateur all en lütten Rundfohrt wunnen un wurr glieks in sien eerste Profi-Johr 1965 Winner vun de Tour de France, de Frankriek-Rundfohrt. 33 Johr later eerst hett Marco Pantani as Italiener mal weer de Tour wunnen. De Giro d’Italia (Italien-Rundfohrt) kunn Gimondi glieks dreemal winnen (1967, 1969 un 1976).

Mit de Sieg bi de Vuelta (Spanien-Rundfohrt) 1968 harr he in dree Johr de dree bedüdendste Landsrundfohrten up de Welt wunnen – dat hebbt neven hüm blots noch de Franzoosen Jacques Anquetil un Bernard Hinault as ok de Belgier Eddy Merckx schafft.

Gimondi weer aver nich blots bi de grote Rundfohrten good, sondern kunn ok bi de Eendags-Fohrten, de so nöömten Klassiker, winnen, so as Paris-Roubaix (1966), de Lombardei-Rundfohrt (1966, 1973) un Mailand-San Remo (1974).

1973 is he den ok noch Straaten-Weltmeester wurrn.

Weblenken[ännern | Bornkood ännern]