Paris–Roubaix

Vun Wikipedia
(wiederwiest vun Paris-Roubaix)
Im Vélodrome in Roubaix geiht dat Rennen to Enn'

Dat Radrennen Paris–Roubaix is en vun de berühmteste Eendagsrennen in’t Radsport mit ruch weg 250 Kilometern Distanz un gellt as en vun de Monumente vun’t Radsport.

Dat eerstmals 1896 utdragen Rennen find jedes Johr Midden April in Noordfrankriek statt un wurrd as La Reine des Classiques (Königin der Klassiker), aber ok as L'Enfer du Nord (Hölle des Nordens) betekent. Bit to dat Johr 2004 hörr dat Rennen to de Rad-Weltcup, wat 10 Rennen beinhollen de, wat se denn aber afschafft hebbt. 2005 hett man för 3 Johr de UCI ProTour nee inföhrt, en Serie vun de wichtigst Radrennen in en Johr. Ok dorto hörr Paris-Roubaix.

Denkmal för den Plastersteen, erricht to de 100. Uplaag vun dat Rennen (2002)

De Streck[ännern | Bornkood ännern]

De Streckenföhrung vun ParisRoubaix ännert sück van Johr to Johr blots en beten. Allerdings wurrd de Klasiker siet 1977 nich mehr vun Paris ut start, sonnern ruch weg 80 km nöördlich, vör dat Slott in Compiègne. Charakteristisch för de up kumplett flach Grund stattfinnend Klassiker sünd de beröhmten Pavés, Koppsteenplaasterpassagen: Weeg – deels noch ut dat 19. Johrhunnert stammend – mit groff Koppsteenplaaster, de dat Rennen besünners bi schlecht Weer to en Tortur maken doht. Hüüd wurrd völ Pavés vun de franzöössch Regeeren eegens för den Radklassiker erhollen. De woll schlimmste Pavéafschnitt is de dör de Wald vun Arenberg, de nah twee Drittel vun dat Rennen faken en Vörentscheed bringt. 2005 hett man Deelen vun dat Plaaster mit völ Upwand restaureert und de Afschnitt wurr ok en beeten weniger scharp makt.

De meesten Siege bi de 'Hölle des Nordens' hebbt de beid Belgiers Roger De Vlaeminck, de tüschen 1972 un 1977 un Tom Boonen uptowiesen, de all tosommen jewiels veer Mal up de Radrennbahn vun Roubaix triumpheeren (un en Pokal in Förm vun en Plaastersteen entgegenemmen) kunn. De eerst Düütsche, de dat Rennen winnen kunn, weer Josef Fischer, de glieks bi dat eerste Rennen 1896 ganz baben stunn, 2015 hett John Degenkolb den tweeten düütschen Sieg infohren.

De Vélo Club Roubaix veranstalt all twee Johr en Jedermann-Utgaav, bi de up den Originalkurs neben Deelstrecken över 120 km oder 190 km ok de kumplette Streck vun ruch weg 260 km fohren wurrn kann, jewiels mit dat Teel in dat Vélodrome vun Roubaix.

Veranstalter vun dat Rennen is de Amaury Sport Organisation (ASO), de ok de Tour de France organisiert.

Siegerlist[ännern | Bornkood ännern]

Literatur[ännern | Bornkood ännern]

  • Philippe Bouvet, Pierre Callewaert, Jean-Luc Gatellier: Paris–Roubaix. Die Hölle des Nordens. Delius Klasing, Bielefeld 2011, ISBN 978-3-7688-3268-7.

Weblenken[ännern | Bornkood ännern]

Paris-Roubaix. Mehr Biller, Videos oder Audiodateien to’t Thema gifft dat bi Wikimedia Commons.