Bernard Hinault

Vun Wikipedia
Wesseln na: Navigatschoon, Söök
Bernard Hinault

Bernard Hinault (* 14. November 1954 in Yffiniac in de Bretagne) is en ehmalger franzööscher Radrennfohrer vun bretoonsch Afstammen. Tüschen 1978 un 1985 kunn de vun de franzöösch Bevölkerung wegen sien taktisch Cleverness Le Blaireau ("de Dachs") nömmt Hinault as dart Fohrer överhoopt fiev Gesamtsiege Tour de France erringen. All tosommen wunn he dor 28 Deelstrecken. Blots Eddy Merckx (34) hett noch mehr Daagerfolge nahtowiesen.

Karriere[ännern | Bornkood ännern]

Hinault fung 1974 mit de professionell Karriere as Radrennfohrer an. Tour de France –Winner weer he in de Johren 1978, 1979, 1981, 1982 und 1985. Dorto keem noch twee Mal Platz 2 (1984 un 1986). Insgesamt hett he 28 Etappensiege schafft (dorvan 13 bi dat Tietfohren). He hett ebenso as Jacques Anquetil (1964), Eddy Merckx (1974) un Miguel Indurain (1995) fiev Mal de Tour de France wunnen. Lance Armstrong (2005) hollt aber mit söben Mal den Rekord.

As eenzig Radprofi överhoopt kunn Bernard Hinault all dree groot Etappenrennen vun den Radsport mehrmals winnen: 1980, 1982 un 1985 hett he bi de Giro d’Italia wunnen, 1978 un 1983 wunn he de Vuelta a España.

Mit mehr as 200 Siegen in sien twalfjohrig Loopbahn weer Hinault dat, wat man en „Allrounder“ nömmt, he kunn sück ok in de klassisch Eendagsrennen dörsetten. 1980 wurr he Straatenweltmeester. Dorto kunn he Siege bi de Klassikers as Paris-Roubaix (1981), Lüttich-Bastogne-Lüttich (1977 un 1980) as ok de Lombardei-Rundfohrt (1984) rutfohren. Veermal ahn Paus (1978–1981) wurr he vun de Sportzeitung L’Équipe to den Sportler vun dat Johr („Champion des champions“) in Frankriek wählt.

Nach der Rennzeit[ännern | Bornkood ännern]

Hinault truck sück 1986 ut de professionell Radrennfohrerszene torüch. In dat sülvig Johr kreeg he de ranghööchst Utteknung vun Frankriek, de Ehrenlegion, vun François Mitterrand. Hüüd tücht Bernard Hinault up sien Hoff in Calorguen dicht bi Dinan Charolais-Kooi un is in de PR-Afdeelen för dat Organisatschoonsteam vun de Tour de France tätig, wat hüm bi de Siegerehrungen faken to den eersten makt, de de Fohrer gralleeren deiht. Vun sien twee Söhns is kein Profifohrer wurrn, aber een arbeit as Logistikverantwoortlicher ok in dat Organisatschoonsteam.

Weblenken[ännern | Bornkood ännern]