FIDE

Vun Wikipedia
Wesseln na: Navigatschoon, Söök

De Fédération Internationale des Échecs (FIDE, franzöösch för Internatschonale Schachföderatschoon), in de düütschspraakig Länner ok Weltschachbund nömmt, is de Dakorganisatschoon vun de natschonale Verbände vun Schachspeler.

Historie[ännern | Bornkood ännern]

De Gründung vun de FIDE wurr an’ 20. Juli 1924 in Paris vun Pierre Vincent bekanntgeven. De Delegierten vun 14 Landsverbänden harr vörher de Grundsatzen fastleggt. Togliek wurr en Komitee bildt, dat de Statuten utarbeiten sull. Dat Komitee bestunn ut

  • den Präsidenten Dr. Alexander Rueb ut den Nedderlannen
  • den Sekretär Leonard Percy Rees ut England
  • den Kassierer A. Nicolet ut de Swiez.

To de Grünnensliddmaten hörrn Argentinien, Belgien, England, Frankriek, Italien, Jugoslawien, Kanada, Nedderlannen, Polen, Rumänien, Swiezz, Spanien, Tschechoslowakei un Ungarn. Düütschland weer as Folg vun de Eersten Weltkrieg nich inladen.

De FIDE stellt sietdem de Speelregeln in’t Schach up. Dorneben vergifft de FIDE de Titel vun Grootmeester, Internatschonaler Meester, FIDE-Meester un Candidate Master för Mannlüü un Froolü. Siet 1970 berekend se ok de offiziell Elo-Weltranglist.

Ehr Wahlspröök is Gens una sumus (lat. Wi sünd en Familie).

Van dat Johr 1927 an wurrn ok de Schacholympiaden vun de FIDE utricht. Siet 1948 veranstalt se ok de offiziellen Schachweltmeesterschapen. Dorför harr de FIDE all twee so nömmt Amateurweltmeesterschapen utrich, de vun Hermanis Matisons (Paris 1924) un Max Euwe (Den Haag 1928) wunnen wurrn.

De Utrichtung vun de Weltmeesterschapen dör de FIDE weer ut twee Grünnen eerst nah dat Enn’ vun den Tweeten Weltkrieg mögelk:

  1. de Dood vun de amteerend 4. Weltmeester Alexander Aljechin 1946, de to Leevtieden kine Interesse harr, sien Titel an de FIDE aftotreden
  2. de Upnahm vun de besünners inflootriek sowjeetsch Schachverband nah 1945.

För de notwendige Stabilität in de lang Qualifikatschoonsetappen un bi de Dörführung vun de WM-Kampf börg de starke sowjeetsch Schachverband, de ok tatsächlich bit 1972 all Weltmeester stell un de meest WM-Kämpe in de UdSSR dörführen kunn.

Mit de Ünnergang vun de Sowjetunion verlor de FIDE en starken Partner un kreeg in de Folge Schwierigkeiten, WM-Kämpe in en wedderkehrend Zyklus dörtoföhren. Striedereen mit den 13. Weltmeester Garri Kasparow föhren dorto, dat de sück vun de FIDE torüchtrekken de un man jetzt twee konkureerend Weltmeesterschapen harr. Kasparow seh sück in en direkten Linie mit den 1. Weltmeester Wilhelm Steinitz, sien Wettkampbedwinger Wladimir Kramnik bzw. Viswanathan Anand, de Winner vun dat WM-Turnier 2007, bi de Kramnik blots Tweet wurr, sehgt sück in disse 14. bzw. 15. Weltmeester.

De FIDE hett nah de Disqualifizierung vun Kasparow wiederhenn Schachweltmeesterschapen utricht ahn Bedeeligung vun de domolig Weltranglisteneersten.

De düütsch Liddmatsverband is de Düütsch Schachbund e.V.

List vun de FIDE-Präsidenten[ännern | Bornkood ännern]

Name van-bit Land
Alexander Rueb 1924-1949 Nedderlannen
Folke Rogard 1949-1970 Schweden
Max Euwe 1970-1978 Nedderlannen
Friðrik Ólafsson 1978-1982 Island
Florencio Campomanes 1982-1995 Philippinen
Kirsan Nikolajewitsch Iljumschinow siet 1995 Russland (Kalmückien)

Weblenken[ännern | Bornkood ännern]