Grootmeester (Schach)

Vun Wikipedia
Wesseln na: Navigatschoon, Söök

De Titel Internatschonal Grootmeester (Abkürzung GM, fröher IGM) wurrd siet 1950 vun de Weltschachbund FIDE up Levenstiet vergeven. Dat is de hööchste vun de FIDE to vergeven Titel för Turnierschachspeler. Den Titel Schachweltmeester wurrd blots an den Winner vun en Weltmeesterschapskamp vergeven. Grootmeester-Titel gifft dat ok in anner Schachsparten.

Historie[ännern | Bornkood ännern]

De Titel Grootmeester wurr informell all in dat 19. Johrhunnert bruukt, toeerst an’ 18. Februar 1838 in de Schachspalte vun de Zeitung Bell’s Life. Offiziell vergeeven wurr de Titel to’n eersten Mal vun Zar Nikolaus II., de dormit de fiev Priesdräger vun dat stark besett Turnier in Sankt Petersburg 1914 uttekend hett: Emanuel Lasker, José Raúl Capablanca, Siegbert Tarrasch, Alexander Aljechin und Frank Marshall[1].

De sowjetsch Schachverband hett de Titel 1927 eerstmals an Boris Werlinski un dornah eerst weer 1931 an Michail Botwinnik vergeeven.

Den Titel vun en Internatschonalen Grootmeester hett de FIDE eerstmalig 1950 vergeven. In Anerkennung vun hör bitherig Leistungen kreegen Ossip Bernstein, Isaak Boleslawski, Igor Bondarewski, Michail Botwinnik, David Bronstein, Oldřich Duras, Max Euwe, Reuben Fine, Salo Flohr, Ernst Grünfeld, Paul Keres, Boris Kostić, Alexander Kotow, Grigori Löwenfisch, Andor Lilienthal, Géza Maróczy, Jacques Mieses, Miguel Najdorf, Wjatscheslaw Ragosin, Samuel Reshevsky, Akiba Rubinstein, Friedrich Sämisch, Wassili Smyslow, Gideon Ståhlberg, László Szabó, Savielly Tartakower un Milan Vidmar den Titel.

Titel-Inflation[ännern | Bornkood ännern]

De Antall vun Schachgrootmeesters weltwiet steeg van 24 in dat Johr 1950 up 88 in dat Johr 1972, hüüd gifft dat all över 800 Dräger vun dissen Titel. De Grünnen dorför sünd:

  • Mehr Turniere un dormit Qualifikatschonsmögelkeiten
  • politisch Verännerungen in Oosteuropa, wat völ stark Spelers eerst de Mögelkeit gifft, överhoopt an disse Turniere deeltonemmn
  • Entwicklung vun de modern Informatschoonstechnologien (Internet, Schachdatenbanken).

Dorto keem, dat man de Normenturniere immer mehr kört hett (fröher muss man 15 Runnen spelen, hüüd blots noch söben). Ok de Mindest ELO-Tall hett man nich anpasst. Harr en Speler 1983 en Elo-Tall vun 2500, gehöör he to de best 40 Spelers up de Eer, hüüd kummt he dor nich mal mit ünner de best 400 Spelers. Man hett de Norm aber nich anpasst, wiel de FIDE Geld verdeent, wenn de Titels vergeven wurrd. Ok de Anforderungen an sück sünd minneseert wurrn.

Dee meest Grootmeester leven in Russland (147), in Düütschland gifft dat 59 Speler mit GM-Titel (Stand: April 2008). Iesland hett 7 Grootmeester bi blots 300.000 Inwahner. Hüüd wurrn de goode Schachspeler nich mehr nah hör Titel sondern nah hör Elo-Tall beurdeelt. Man nömmt Speler, de en Elo-Tall vun 2700 un mehr hebbt, ok Super-Grootmeester, wat aber kien offiziell Titel is.

För lange Johren weer Bobby Fischer, de jüngste Grootmeester, de in dat Öller vun 15 Johren, 4 Maand un 1 Dag Grootmeester wurrn is. 1991 wurr he vun Judit Polgár aflööst, de, as se de Titel kreegen hett, 1 Maand jünger weer. Intüschen höllt Serhij Karjakin disse Bestleistung, de de erforderlich Noorm in dat Öller vun 12 Johren un 7 Maand kriegen de.

Weblenken[ännern | Bornkood ännern]

Enkeld Nahwiesen[ännern | Bornkood ännern]

  1. Allerdings verwiest de Schachhistoriker Edward Winter dorup henn, dat disse Geschicht eerst siet dat Johr 1940 kurseert.