Die Hard with a Vengeance
| Filmdaten | |
|---|---|
| Plattdüütsch Titel: | — |
| Originaltitel: | Die Hard with a Vengeance |
| Düütsch Titel: | Stirb langsam: Jetzt erst recht |
| Produkschoonsland: | USA |
| Johr vun’t Rutkamen: | 1995 |
| Läng: | 123 Minuten |
| Originalspraak: | Engelsch, Spaansch |
| Öllersfreegaav in Düütschland: | FSK 16 |
| Filmkru | |
| Speelbaas: | John McTiernan |
| Dreihbook: | Jonathan Hensleigh |
| Produkschoon: | John McTiernan Michael Tadross |
| Musik: | Michael Kamen |
| Kamera: | Peter Menzies Jr. |
| Snitt: | John Wright |
| Szenenbild: | Jackson De Govia |
| Kledaasch: | Joseph G. Aulisi |
| Dorstellers | |
| |
Die Hard with a Vengeance (op plattdüütsch so veel as „Starv gresig för Gewalt“; dt. Titel: Stirb langsam: Jetzt erst recht) is de Titel vun en US-amerikaanschen Actionfilm ut dat Johr 1995. Dat is de drüdde Film ut de Die-Hard-Reeg, in denn Bruce Willis wedder de Hööftrull speelt. Speelbaas is in dissen Deel John McTiernan, de ok al in den eersten Deel de Regie föhrt harr.
Inholt
[ännern | Bornkood ännern]De Polizist McClane hett düchtig afboet: Sien Fro is em weglopen, he suppt to veel un is vun’n Deenst suspendeeert. Op eenmol flüggt en Koophuus in de Luft. En Anroper vertellt dorför verantwoortlich to wesen un verlangt vun de Polizei mit McClane to snacken. Vun nu op gliek mutt McClane wedder torüch in’n Deenst un mutt nu för den Anroper, de sik Simon nöömt, Opgaven lösen. Simon drauht em dormit, dat he en Scholl in de Luft jagt, schüll he dat „Speel“ nich mitmaken. Vunwegen, dat em bi de eersten Opgaav de Swarte Zeus Carver helpen hett, mutt ok de mitmaken. Simon maakt sik dorut een Spaaß, de beiden op en gresige Snitzeljagd dweer dör New York City to jagen, ofschoonst he an sik ganz annere Plaans hett.
Över dat FBI warrt de Ploizei wies, wokeen Simon is: en Broder neemlich vun den Terroristen Hans Gruber, den Mc Clane in den eersten Die-Hard-Film ümbröcht hett. As de Gefohr besteiht, dat en Anslag op en School veröövt warrn schall, warrt de hele Polizei vun New York losschickt, üm all dusend Scholen in de Stadt to dörsöken. Man, McClane un Zeus finnt rut, dat de Polizei dormit blots aflenkt warrn schüll, ümdat de Terroristen ahn stört to warrn de Goldreserven vun de Federal Reserve Bank plünnern wüllt. Dat Gold wüllt se mit en Tanker ut dat Land smuggeln.
De beiden jachtert lang achter de Verbrekers ran, bit se opletzt den Tanker opfinnen doot. Dor finnt se aver rut, dat dat Gold gor nich op dat Schipp is, man al op vele swore Kipplastwagens verdeelt op’n Weg na Kanada is. Gruber kriggt jem aver tofaten un lett jem an en Bomb anbunnen op dat Schipp torüch. Se künnt se free maken kort vördem de Bomb in de Luft geiht.
Kort vör de kanaadschen Grenz holt se de Terroristengrupp vun Gruber wedder in un stellt jem mit en grote Tall vun Polizisten. Gruber gifft aver nich op un geiht mit en Heevschruver op McClane los. Jüst as he em op’t Koorn nehmen deit, kummt de Heevschruver gefährlich dicht an en Stroomleitung. McClane schütt op den Isolater. Dat Kavel fallt rünner un verfangt sik in’t Rotor, so dat de Heevschruver opletzt afstörten deit. Gruber blifft bi de Explosion doot.
Kritik
[ännern | Bornkood ännern]- Filmlexikon Kabel 1: Ein anfangs ironischer, rasch jedoch eindimensionaler Actionfilm, der Spannung mit der Anhäufung von Explosionen und Effekten verwechselt. Reizvoll allenfalls das lakonische Spiel der Darsteller, das in beabsichtigtem Kontrast zur Dramatik des Geschehens steht.
- Prisma online: Regisseur und Produzent John McTiernan, der schon den ersten „Stirb langsam“-Reißer drehte, liefert mit diesem dritten Teil einen perfekt inszenierten, teilweise ironischen und hochspannenden Action-Film. Einmal mehr überzeugt Bruce Willis als McClane, der diesmal Hilfe von Pulp Fiction–Darsteller Samuel L. Jackson erhält. In der Rolle des bösen deutschen Terroristen überzeugt Jeremy Irons, in einer Nebenrolle als Fischer ist der Vater des Regisseurs, John McTiernan Sr., zu sehen.
Utteken
[ännern | Bornkood ännern]De Film weer för veer Utteken vörslahn, vun de he twee winnen künnen:
- 1995: den BMI Film Music Award för Michael Kamen
- 1996: de Goldene Lienwand
Över de Produkschoon
[ännern | Bornkood ännern]- In de düütschen Synchronisatschoon is Bruce Willis bi dissen Deel vun Thomas Danneberg snackt worrn, vunwegen dat sien Faststimm, Manfred Lehmann, to de Tiet in’t Utland sülvst an’t Dreihn weer.
- De Rull vun den Terroristen Simon Gruber weer toeerst för Sean Connery vörsehn, de aver keen Lust harr, en so düsteren Terroristen to spelen. De Rull vun Zeus schüll anfangs mit Laurence Fishburne besett warrn, de aver aflehnt hett. Later wull he denn doch toseggen, man dor weer de Rull al an Jackson vergeven.
- Dreiht worrn is de Film vör allen in’t Rebeet üm Charleston un Mount Pleasant in South Carolina. De Brüch, vun de McClane un Zeus op dat Schipp springt, is in Wohrheit de Cooper River Bridge, de Charleston un Mount Pleasant mitenanner verbinnt.
- Üm mööglichst realtistisch mit dat Gewicht vun Gold ümtogahn dröffen Willis un Jackson en echten Goldbarren in de Hand nehmen.
- De Opgaven, de McClane vun Gruber kriggt, düüt op dat amerikaansche Kinnerspeel Simon Says hen.
- För den Film is en tweet Enn dreiht worrn, dat op de DVD-Faten vun 2003 to sehn is. In dat Enn sünd Simon un sien Mackers mit dat Geld utneiht, dat se ümsmölten doot in lütte Figuren vun de Freeheitsstatue. McClane finnt de Lüüd Maanden later in Oosteuropa, nadem he bi de Polizei rutflagen is. Mit en Raketensmieter speelt Gruber un McClane en Oort Mischen vun Buddeldreihn un Russ’sch Roulette, wobi se sik gegensietig Rätsels stellt. Gruber schütt sik opletzt mit den Raketensmieter doot.
Weblenken
[ännern | Bornkood ännern]- Die Hard with a Vengeance in de Internet Movie Database (engelsch)
- Kritiken to den Film op Rotten Tomatoes