Bellatrix

Vun Wikipedia
Wesseln na: Navigatschoon, Söök
Bellatrix
Orion constellation map.png
Bellatrix (γ Ori) is de rechte vun de Schullernsteerns vun’n Orion
Positschoon un Beteken
Steernbild Orion; Ori
Rektaszension 5h25m07,9s[1]
Deklinatschoon 6°20'59"[1]
Annere Naams Amazonensteern
Bayer-Beteken γ
Flamsteed-Tall 24
Bright-Star-Kataloog HR 1790
Henry-Draper-Kataloog HD 35468
SAO-Kataloog SAO 112740
Physikaalsch Parameter
Afstand 240 ± 15[2] Lj
schienbor Helligkeit +1,64
Spektralklass B2 III
Sünnerheiten Eruptschoonsännerlich

Bellatrix (γ Orionis), de „Kriegerin“ oder ok „Amazonensteern“ is de drütthellste Steern in dat Steernbild Orion un billt de rechte Schuller vun den Orion. De annere Schullersteern op de linken Siet is Beteigeuze.

Gröttenvergliek twüschen Bellatrix (links), Algol B (rechts) un uns Sünn.

De Steern is ruchweg 240 Lichtjohren wiet weg vun de Eer un wiest en schienbore Helligkeit vun 1,64m op. Bellatrix is en blauen Resensteern mit de Spektralklass B2. In’n Vergliek to de Sünn hett se üm un bi de achtfache Masse un ruhweg de 4000-fache bolometrische Lüchtkraft. In hööchsten eenige Millionen Johren warrt sik Bellatrix to en Roden Rees wanneln. Vun wegen ehr vergliekswies lütte Masse explodeert se aver nich, man warrt opletzt as’n masserieken Witten Dwarg ennen. Lange Tiet weer annahmen worrn, dat Bellatrix mit to de Orion-Assoziatschoon höört, man dat hett sik as verkehrt rutstellt. Se is düütlich neger an de Eer.

1972 is faststellt worrn, dat Bellatrix ehr Helligkeit ’n lütt beten ännern deit, in de Gröttenornen vun en poor Hunnerstel Gröttenklassen.

Borns[ännern | Bornkood ännern]

  1. 1,0 1,1 Hoffleit, D. and Warren, W.H. Jr., The Bright Star Catalogue, 5th Revised Edition, Version 2, 1994
  2. Hipparcos Datenbank

Weblenken[ännern | Bornkood ännern]

Bellatrix, vun Jim Kaler