Aaron Hunt

Spelerinformatschonen
Aaron Hunt
Aaron Hunt
Vullstännig Naam	Aaron Hunt
Geboortsdag	1986-09-044. September 1986
Geboortsoort	Goslär, Düütschland
Positschoon	Middelfeld, Storm
Vereensinformatschonen
Vereen	SV Werder Bremen
Trikottall	14
Verenen in de Jöögd
bit 1999 1999–2001 2001–2003	VfL Oker SC Goslar 08 Werder Bremen
Verenen as Speler¹
Johren	Vereen	Spelen (Doren)
2003–2007 2004–	Werder Bremen II Werder Bremen	37 (8) 64 (12)
Natschonalmannschop²
2005–	Düütschland U 16 Düütschland U 17 Düütschland U 21	5 (1) 10 (6) 8 (2)
¹ Blots Liga-Spelen. Stand: 28. September 2008 ²Stand: 15. Dezember 2007

Aaron Hunt (* 4. September 1986 in Goslär) is en düütschen Footballspeler. In'n Momang speelt he för den SV Werder Bremen in de Football-Bundsliga. Dor speelt he in’n Storm oder in’t Middelfeld.

Sien Weg as Footballer

Vereen

Hunt sien Vadder is en Düütschen, siene Mudder en Engelsche. As he jung weer, speel he bi’n VfL Oker un bi GSC 08 Goslär. In’n Juni 2001 is he na Bremen to den SV Werder gahn. Sien eerst Speel in de Bundsliga weer an’n 18. September 2004 gegen Hannober 96. Dor hett he 7 Minuten mitspeelt. Sien eerst Door hett he in de Bundsliga an’n 12. Februar 2005 gegen Borussia Mönchengladbach schaten. He weer dormols 18 Johr un 161 Dage oolt un dor is he bit up den hüdigen Dag Werder sien jüngsten Doorschütten överhaupt mit wurrn. Dat eerste „Dubbelpack“ in sien Footballer-Tied hett he an’n 27. Oktober 2006 bi den 6:1 Butensieg vun Bremen in Mainz schaten un den eersten „Dreerpack“ hett he an’n 3. März 2007 bi dat 3:0 gegen den VfL Baukem maakt. Hunt kann in de Offensivafdelung an verschedene Stellen insett weern. Dorüm stellt Trainer Thomas Schaaf em in’n Storm, man ok in dat offensive Middelfeld un in dat lunke Middelfeld up. An’n 27. November 2007 hett he sien Verdrag, de in’n neegsten Summer utlopen dö, bit to’n 30. Juni 2010 verlängert.

An’n 28. November 2007 hett he in dat Speel gegen Real Madrid sien eerst Door in de Champions-League schaten. Vörher weer he 7 Maanden lang verletzt ween, man so konn he bidregen to’n 3:2 Sieg vun Werder.

Natschonalmannschop

2005 is Hunt in de U-21-Natschonalmannschop beropen wurrn. Dormols hett he verkloort, he harr dor nich nich eernsthaftig an dacht, bi en engelsche Utwahl mit to spelen. He harr endgüllig beslaten, bloß för Düütschland to spelen. An' 18. November 2009 hett he denn sien eerst Lännerspeel för Düütschland makt.

Maleschen

Hunt hett allerhand Maleschen harrt. Anfang 2006 speel sien Knee nich mit un nümms wüß, wat los weer. Eerst Maanden later keem rut, dat weer en Sliembüdelsweren. Vundeswegen konn he de ganze tweede Runn in de Bundsliga nich mitspelen.

Ok in de tweede Runn vun de Saison 2006/2007 geev dat Maleschen. He harr en Lock in’e Liesten un en Schaambeensweren. He möss sik regelmotig fit sprütten laten. An’n 21. Mai 2007 hett dat denn avers mit de Operatschoon klappt. As he sik vörbereiden dö up de Speeltied 2007/2008 harr he wedder Problemen mit Liesten un Kneen un he konn en ganze Tied nich mitmaken.

Klopperee

In’n Mai 2005 is Hunt vun de Polizei vör de Bremer Diskothek StuBu fastnahmen wurrn. He harr dor, tohopen mit sien Macker vun Werder, Jérôme Polenz, wat mit en Klopperee to doon harrt, wo dree Lüde to Schaden bi kamen sünd. Düsse dree Lüde, dormank en Froonsminsch, hefft Hunt bi de Polizei anklaagt vunwegen „Körperverletzung“. He möss 6.000 € betahlen, man denn is dat Verfahren instellt wurrn.

Wat he schafft hett

DFL-Ligapokal-Winner 2006 mit Werder Bremen

Weblenken

Werder.de – Över den Speler

Mannschop vun Werder Bremen in de Saison 2009/10