Zalman Shazar

Vun Wikipedia
Zalman Shazar (1951)

Zalman Shazar (hebrääisch זלמן שז"ר, boren as Schneiur Salman Rubaschow; * 6. Oktober 1889 in Mir, dicht bi Minsk, hüüd Wittrussland; † 5. Oktober 1974 in Jerusalem) weer en israeelsch Politiker un de darte Präsident vun Israel.

Sien Initialen SchSR hebbt later henn sien hebräisch Naam bildt.

Zalman Shazar in en Gespräch mit Konrad Adenauer 1966 in Jerusalem

Shazar is in en vun den Chassidismus präägt Familie upwussen. Vun de Chassidismus hett he sück aber afwendt. All mit 18 Johr keem he för twee Maand in en russisch Gefängnis, wiel he för de zionistische Organisatschoon Poalei Zion tätig weer. He studeer jöödsche Historie in Sankt Petersburg, Straßburg un an de Swiez un af 1912 in Berlin, sien Interesse gull vör allen de Historie vun de Jööden in Oosteuropa, aber ok de Bibelkritik. Nebenbi schreev he ok för jiddisch Zeitungen in Russland, den USA un för de Jüdische Rundschau.

1924 is Shazar nah Palästina utwannert. He weer en vun de Mitbegründer vun de Mapai un arbeit as Redakteur för dat Histadrut-Blatt Dawar (1944 Chefredakteur). He weer wiederhenn ok as Autor vun Gedichten, Essays, autobiographischen Romanen, Biographien un wetenschaplich Texten tätig. Sien wetenschaplich Hööftwark weer en Geschichte der Bibelkritik tosommen mit M. Soloweitschik.

Shazar wurr 1949 Liddmaat vun de eerste Knesset (bit 1963) un weer in de Johren 1949 un 1950 Erziehungsminister. Van 1963 bit 1973 weer he denn de darte Präsident vun Israel.

Literatur[ännern | Bornkood ännern]

  • Lexikon des Judentums, Bertelsmann-Lexikon-Verlag, Gütersloh 1971, ISBN 3-570-05964-2, Sp. 699

Weblenken[ännern | Bornkood ännern]