Jerusalem
Dit Woort hett noch annere Bedüden: kiek dorför ünner Jerusalem (Mehrdüdig Begreep).
| Wapen/Flagg | Koort |
|---|---|
|
|
|
| Basisdaten | |
| |
| Flach: | 125,42 km² |
| Inwahners: | 936.425 |
| Inwahnerdicht: | 7.466,3 Inwahners pro km² |
| Postleettall: | 91000–91999 |
| Vörwahl: | 2 |
| Geograafsche Laag: | Koordinaten:31° 47′ N, 35° 14′ O31° 47′ N, 35° 14′ O |
| Grenzen bi OSM: | 1381350 
|
| Websteed: | https://www.jerusalem.muni.il/ |
| |
Jerusalem (hebrääsch ירושלים/ Jeruschalajim, araabsch: القدس/ al-Quds (asch-Scharif), „de Hillige“, ooldgreeksch Ἱεροσόλυμα (Ierosólyma), latiensch Hierosolyma) is de Hööftstadt vun den Staat Israel. Se liggt in de Bargen vun Judäa un dor leevt 747.600 Inwahners (2007). In Jerusalem sünd de Seet vun den Präsidenten vun Israel, de Knesset, Institutschonen vun de Judikative un de Exekutive vun Israel, de Hebrääsche Universität, de 1918 grünnt wurrn is, un de Denkstäe för den Holocaust, Yad Vashem.
Jerusalem is üm 1800 v. Chr. to'n eersten Mol nömmt wurrn un is en vun de öllsten bekannten Städer vun de Welt. In düsse Stadt kaamt veel Kulturen vun de Antike un de Moderne tohopen. De Ooldstadt vun Jerusalem is updeelt in dat jöödsche, christliche, armeensche un musliemsche Viddel. En Muur geiht üm de ganze Ooldstadt umto.
Wie dat politisch um Jerusalem steiht, is heel un deel umstreden. De Stadt is Deel vun den Nahoost-Konflikt. De ööstliche Deel vun de Stadt mit siene bedüdenden Stäen för de jöödsche, christliche un musliemsche Religion schall na den Willen vun Palästinenser-Organisatschonen Hööftstadt vun en tokünftigen palästinens'schen Staat weern.
