Jodendom

Vun Wikipedia
Wesseln na: Navigatschoon, Söök
De Davidsteern (hebrääsch magen david = David sien Schild) warrt hüdigendags as Teken ankeken för dat Jodendom un dat Volk vun de Joden

Unner Jodendom (ok Jödendom) warrt de Kultur, de Geschicht, de Religion un de Traditschoon vun dat Volk vun de Joden verstahn, dat sik sülms „Volk Israel“ (hebr. am jisrael, bnei jisrael) nömen deit. Mit dat Woort kann avers ok sunnerlich de jöödsche Gloven meent weern oder, as en Grupp, de Joden, de to glieke Tied en Volk un en Religionsgemeenschop sünd.

Dat Jodendom warrt as en vun de Weltreligionen ankeken, ofschoonst dor bloß bi 13,5 Mio. Minschen tohören doot. Bi dat Christendom sünd dat alltohopen bi 2,3 Milliarden Minschen un bi den Islam sünd dat woll bi 1,4 Milliarden Minschen. Dat hett siene Grünn in de Historie: De christliche un de islaamsche Gloven hefft ehre Wuddeln in dat Jodendom un dat Jodendom is överhaupt de eerste Weltreligion ween. Gegen dat Enne vun de Antike hefft sik jöödsche Gemeenden bit wiet över de Grenzen vun dat Röömsche Riek, bit Indien un China hen, funnen.

De Naam[ännern | Bornkood ännern]

De Naam „Joden“ bedutt an un for sik „Judäers“ un hett to kriegen mit dat Königriek Juda, wat 587 v. Chr. unnergahn is, as de Babyloniers Jerusalem innahmen hefft. Düt Königriek hett sien Naam nu wedder vun den Stamm Juda harrt, de in düt Königriek leevt hett un de bloß een vun de Twölf Stämm vun Israel weer. De Naam „Jodendom“ geiht also bloß up een enkelten Stamm vun Israel torüch. Man na dat Exil vun Babylon hefft de Völker um Israel to all Inwahners vun de Gegend „Judäers“ nömmt un dor den Naam „Joden“ för all Israeliten mit bruukt. In de Jöödsche Diaspora is de Naam „Joden“ den Naam wurrn, wo de Israeliten sik sülms mit nömmt hefft.

Kiek ok bi[ännern | Bornkood ännern]