Yalbac Hills
| Yalbac Hills | ||
|---|---|---|
| höögst Topp: | ||
| Hööchd: | üm 250 m | |
| Land: | Belize | |
| Laag: | Orange Walk, Cayo | |
| Kuntinent: | Amerika | |
| Koordinaten: | Koordinaten:17° 25′ N, 88° 56′ W17° 25′ N, 88° 56′ W | |
| ||
De Yalbac Hills sünd en sieden Bargrügg in dat Grenzrebeed von de Distrikte Orange Walk un Cayo in Belize. De höögsten Toppen sünd üm un bi 250 Meter över de See hoog. De Region is dör Karst präägt.
In’n Süüdoosten fallt de Yalbac Hills scharp na dat Daal von’n Yalbac Creek/Labouring Creek hen af (von över 220 Meter op ünner 80 Meter över de See mit en Gefäll von üm un bi 30 %). Na Noorden loopt de Bargen ganz sachten ut. Dat Water in’n Noorden flütt na’n Irish Creek af. De Yalbac Hills billt dormit de Waterscheed twüschen New River (dor flütt de Irish Creek hen) un Belize River (dor flütt de Labouring Creek hen).
De Bargen sünd meist unbewahnt. En poor Kilometer na Süden to doot de Dörper Yalbac un La Gracia liggen. In dat 19. Johrhunnert sünd aver en Reeg Mayas vör’n Kastenkrieg ut Mexiko flücht un hebbt in dat Rebeed von de Yalbac Hills en poor Dörper grünnt, ünner annern San Jose Yalbac un San Pedro Siris. To Anfang von dat 20. Johrhunnert sünd düsse Öörd denn wedder verswunnen. Ut noch öllere Tieden stammt de Maya-Ruinen von Yalbac.