Labouring Creek
| Labouring Creek | |
|---|---|
| Laag | Guatemala, Belize |
| Stroomsystem | Belize River |
| Läng | 80 km |
| Born | in dat Departamento Petén |
| Münn | in’n Belize River |
| linke Blangenströöm | Pascua Creek, Crique Blanco |
| rechte Blangenströöm | Cadena Creek, Cut and Throw Away Creek, Freshwater Creek |
 | |
De Labouring Creek is en üm un bi 80 Kilometer langen Stroom in de Distrikte Orange Walk un Cayo von Belize, de in’n Belize River münnt.
De Stroom billt von de Staastgrenz to Guatemala bet na de Münn de Grenz twüschen de Distrikte Orange Walk un Cayo.
Verloop[ännern | Bornkood ännern]
De Born von’n Stroom liggt in dat Departamento Petén von Guatemala, aver dicht an de Grenz na Belize. Op düt eerste Stück warrt de Waterloop Tu-Tu Creek nöömt. He löppt na Noordoosten un na söss Kilometer fleet de Tu-Tu Creek un de Crique Negro tohoop un billt den Pescado Creek.
De Pescado Creek flütt för sowat ölven Kilometer wieder na Noordoosten dör en System von afdämmte Dieken. Nadem de Stroom ut de Dieken wedder uttriddt, ännert sik de Naam för söss Kilometer bet na de Münn von’n Cadena Creek op Crique Negro un denn för en Stück von 19 Kilometer op Yalbac Creek. Hier münnt von links de acht Kilometer lange Pascua Creek un de negen Kilometer lange Crique Blanco.
De Naam Labouring Creek gellt denn för de letzten 38 Kilometer bet na de Münn in’n Belize River (negen Kilometer in’n Süden von Rancho Dolores). Hier münnt von rechts de söven Kilometer lange Cut and Throw Away Creek un de 13 Kilometer lange Freshwater Creek in’n Stroom.
Öörd gifft dat an’n ganzen Loop von’n Stroom nich, aver de Feller von Öörd so as Spanish Lookout, Los Tambos, La Gracia, Valley of Peace un More Tomorrow reckt vondaag bet an’n Stroom ran. Vör allen in dat 21. Johrhunnert hett sik dor veel daan un veel Oorwoold is verswunnen.
Weblenken[ännern | Bornkood ännern]
Koordinaten:17° 27′ N, 88° 38′ W