Westerwisch (Cuxhoben)

Wapen/Flagg	Koort
Basisdaten
Bundsland: Neddersassen Landkreis: Cuxhoben Gemeen: Cuxhoben
Inwahners:
Postleettall:	27474
Vörwahl:	04721
Geograafsche Laag:	53° 52′ N, 8° 40′ O

Westerwisch is en Deel von de Gemeen Cuxhoben in’n Landkreis Cuxhoben, Neddersassen. De Oort billt binnen Cuxhoben tohoop mit Süderwisch de Oortschop Süderwisch-Westerwisch.

Geografie

Westerwisch liggt in de Masch. Na Westen hen slütt sik denn de Geest von de Hoge Lieth an.

De Naveröörd sünd Döös in’n Noorden, Cuxhoben/Ritzbüttel in’n Oosten, Süderwisch in’n Süden, Holt un Spangen in’n Süüdwesten, Sahlenborg in’n Westen un Duhnen in’n Noordwesten.

Historie

De Lapps hebbt Westerwisch tohoop mit dat ganze Amt Ritzbüttel an’n 31. Juli 1394 an Hamborg verköfft.

Westerwisch hett sik 1873 mit Süderwisch to een Gemeen tohoopdaan un de Gemeen Süderwisch-Westerwisch billt.

An’n 1. März 1935 is Westerwisch Deel von de Gemeen Cuxhoben worrn. Vondaag billt Süderwisch-Westerwisch binnen de Gemeen Cuxhoben en Oortschop mit en egen Oortsvörstand.

Inwahnertall

Johr	Inwahners
1826-00-001826	54 Inwahners, 7 Hüüs
1847-00-001847	56
1866-12-033. Dezember 1866	72
1871-12-011. Dezember 1871	86

Religion

Westerwisch is evangeelsch-luthersch präägt un höört to dat Kaspel von de Gnadenkark in Süderwisch. Bet 1907 hett Westerwisch to dat Kaspel Olenwoold höört, later denn to de Martinskark in Ritzbüttel un von’n 1. Januar 1962 af an to de Gnadenkark.

Infrastruktur

Verkehr

Westerwisch liggt an de Kreisstraat 2, de in’n Oosten na Cuxhoben rin un an de Bundsstraat 73 löppt. In’n Noordwesten geiht de K 2 na Duhnen un is över de K 3 mit Sahlenborg verbunnen.

De nächste Bahnhoff is in Cuxhoben an de Bahnlien Bremen-Cuxhoben un de Nedderelvbahn na Hamborg, wat so bi dree Kilometer weg is.